掃呢頁CODE去手機

2016年4月13日 星期三

翠如唔恨做百億千金:叫我300蚊家姐! __,翠如,黃翠如,

藝員黃翠如於下午5點返回電視城為劇集《幕後玩家》開工,繼續其一貫樸素打扮,跟昨天接受訪問時一樣的打扮,只是換鞋唔換衫,繼續慳慳慳!她見到記者即表示趕時間,但仍大方停低接受訪問。唔知咩係認購談到其父親公司股價今日繼續勁升,收市價收11.28元,公司總市值超過140億港元,父親的帳面身家由昨日的18.7億飆升至今天的52.7億,身家一日暴升34億!問她會否覺得開心,她說:「股票嘅嘢我真係唔識,我都係靠 ...


藝員黃翠如於下午5點返回電視城為劇集《幕後玩家》開工,繼續其一貫樸素打扮,跟昨天接受訪問時一樣的打扮,只是換鞋唔換衫,繼續慳慳慳!她見到記者即表示趕時間,但仍大方停低接受訪問。

唔知咩係認購

談到其父親公司股價今日繼續勁升,收市價收11.28元,公司總市值超過140億港元,父親的帳面身家由昨日的18.7億飆升至今天的52.7億,身家一日暴升34億!問她會否覺得開心,她說:「股票嘅嘢我真係唔識,我都係靠睇財經分析去了解件事,我同屋企人都唔識股票,唔會炒賣,亦都唔支持炒賣。」問到有否認購?翠如就反問記者咩叫認購,表示未有買股票。

生活冇改變

問黃爸爸有否配股給她?翠如就說:「冇,其實件事好簡單,公司就一直做,依家只係有個集資嘅方法,發展到咁,我反而覺得好奇怪。(今日升得勁?)我冇睇,連股票冧巴係幾號都唔知。(市值曾暴升到150億?)自己都係睇財經分析先知,股票向來都係數字遊戲,識玩股嘅都知。(介意被稱為百億千金?)今日我有300蚊喺身,可以叫我『300蚊二家姐』。(覺得走寶?)其實唔想再講,因為我都冇興趣,呢啲事對我嚟講太遠。(爸爸叫你減少工作陪屋企?)一切嘅嘢都冇變,屋企人都係繼續做番佢哋嘅嘢。」

剩係關心0628

翠如又表示生活不會因此改變:「對我嚟講冇改變,都係對我冇關係嘅嘢,都係專注工作,自己剩係關心0628,即係開工同收工時間。」翠如笑言社交網站有好多朋友問股票的事,但自己毫不認識,亦因此有少少困擾。談到馬國明等好友嗌請食飯?翠如就指同劇拍檔黃宗澤都有提及:「佢叫我哋收工去餐廳食消夜,但佢都有買嘢請大家食嘅。」


來源 source: http://hk.on.cc
鍾意就快D Share啦!