霆鋒透露會在節目內開《鋒味》餐廳，令《鋒味》色香味落地。
謝霆鋒近日忙於拍攝內地節目《12道鋒味》第三季，今次霆鋒會繼續帶大家去世界各地尋找美食，日前攝製隊已出發到非洲及芬蘭拍攝，兩國一冷一熱，有着不同壯麗景色，除了視覺享受外，霆鋒更透露今次會為觀眾帶來味覺感受，創真人騷先河，原來他會在節目內開《鋒味》餐廳，令《鋒味》色香味落地，令觀眾既可看亦可食到鋒味菜。現時霆鋒已落力為餐廳前期造勢，表示由4月13日起他會推出首個個人微信公眾帳號《鋒味》，並會透過帳號作全國名廚海選，公開招攬美食人才，參選方式將會透過《鋒味》公眾帳號公布。
環球滋味行
其實出道以來霆鋒從沒開設任何公眾帳號，但今次為了《鋒味》卻作出改變，他坦言《12道鋒味》令他真正走進人群：「我行去世界各地任何有華人嘅地方食飯，佢哋都會熱情同我講起《鋒味》呢個節目，所以我漸漸發現，原來當美食成為共同語言時，人同人之間嘅互動係咁溫暖，所以我想回饋呢班真正嘅民間食家朋友，我會開設公眾帳號同觀眾互動，親自答大家提出嘅美食問題，帶大家食勻世界美食，亦令美食愛好者透過呢個平台，了解更多我嘅《鋒味》概念同對美食嘅追求。」
代言飲品圓夢
另外，霆鋒最近為飲品拍廣告，感到既開心又感觸，因為在16歲入行那年，媽媽狄波拉曾問他當上藝人最想做甚麼產品代言人，當時霆鋒即謂希望能當上此產品代言人，終於在22歲那年他成功當上代言人，頭像更印在罐上，在產品還未正式出街前，他更立即拿一罐回家，並俏皮地送給拉姑，事緣他把罐放在家門口，按門鈴後即匿在後樓梯的木門後，當拉姑出來開門時，望到地下印有霆鋒頭像的罐，她開心地笑了，霆鋒現時回想起坦言：「我永遠記得媽媽嗰個笑容，又滿足又欣慰又激動，嗰個畫面好似一張相定格喺我腦海裏。」
來源 source: http://hk.on.cc
|
鍾意就快D Share啦！
|
|
|
