14,013 views│2016年04月27日
最近幾天，由北京到香港最熱的話題，莫過於港獨和反港獨。蕭若元長期論政，也支持泛民，對於港獨這個議題，他倒有一番很過癮見解。
首先，他說從理據上，香港完全擁有獨立的條件，「你係殖民地，歷史上不乏殖民地獨立的個案，其次係有相同文化和語言，都構成可以獨立條件。」當《壹》仔以為他支持港獨概念時，他卻忽然加一句，按此邏輯，其實灣仔和油麻地也可以分別獨立。「我支持香港人講獨立，亦有條件。但我認為香港唔應該獨立。」
他進一步解釋反港獨的原因，就是因為一直反對民族主義，民族主義通常和極權關係緊密。「中國依家係靠一個民族主義去維持管治，中國係一個想像嘅概念，大家用共同身份呢個概念去維持國家，民族主義係會排斥其他民族。」
他又說：「而港獨就是另一個變相民族主義，是侏儒民族主義，去踢人行李喼彰顯所謂香港民族，比中國民族主義更不堪。最慘係鼓吹港獨嘅唔少人，本身就係來自中國大陸移民。」而港獨的後果是嚴重的，因為中國為了維護自己的民族主義，必需和你死過，香港人是否能承受？「你會唔會為咗要掛一個香港國的名字，同中國大陸搏命先？」
他認為香港人的前途，只能透過爭取普選去解決，而手段必需和平非暴力，才有感染力。「香港命運就需要自己治理番自己，因為冇人比我哋更清楚我哋需要啲咩！」
撰文：馬劍興 羅鈺歡
攝影：蔡福生 王命源
來源 source: http://nextplus.nextmedia.com
|
鍾意就快D Share啦！
|
|
|
