掃呢頁CODE去手機

2016年4月27日 星期三

想體驗影星踏足康城滋味?肯畀錢就OK __,康城,

呢單嘢,如果係真嘅話,真係既搞笑又誇張。原來參與康城電影節已經再唔係明星嘅專利,近日內地微博爆料,指原來只要肯畀錢(不過要萬萬聲),就可以全天候追星;即係只要肯畀錢,集郵嘅機會就會隨時喺左近。開幕閉幕「席位」最貴該個爆料微博指,開幕同埋閉幕活動嘅收費最貴,而且仲有「級數」之分,坐一等席嘅價錢係兩萬歐元(約17.5萬港元),二等席位價錢係1.8萬歐元(約16萬港元)、三等席位就1.6萬歐元(約14萬 ...


呢單嘢,如果係真嘅話,真係既搞笑又誇張。

原來參與康城電影節已經再唔係明星嘅專利,近日內地微博爆料,指原來只要肯畀錢(不過要萬萬聲),就可以全天候追星;即係只要肯畀錢,集郵嘅機會就會隨時喺左近。

開幕閉幕「席位」最貴

該個爆料微博指,開幕同埋閉幕活動嘅收費最貴,而且仲有「級數」之分,坐一等席嘅價錢係兩萬歐元(約17.5萬港元),二等席位價錢係1.8萬歐元(約16萬港元)、三等席位就1.6萬歐元(約14萬港元),呢個價錢仲包你現身埋紅地氈,一嘗明星滋味。至於其他電影節期間嘅活動(爆料未有指明係咩類型活動,可能係競賽電影或非競賽電影嘅首映,或者其他非大型派對活動),一等席位係1.5萬歐元(約13萬港元)、二等席位係1.3萬歐元(約11萬港元)、三等席位則係1.1萬歐元(約9.6萬港元)。

大型派對最低入場費13萬

至於大型派對活動,則以《美國愛滋病研究基金會慈善晚宴》(簡稱amfAR)嘅邀請函收費最「乸脷」,單人邀請函嘅收費係3萬歐元(約26萬港元),如果嫌貴,可以搵朋友開心SHARE,因為一張十人枱嘅收費係20萬歐元(約175萬港元)。至於其他大型派對,資料顯示收費約為1.5萬歐元(約13萬港元),以上活動都指明會有頂級巨星坐陣,想追星真係豐儉由人。

有埋專業攝影同採訪服務

不過出席得呢啲國際頂級大型活動,無非都係為咗追星同喺國際影壇史上留下倩影,所以如果個樣唔靚,真係畀幾多錢都係浪費!不過康城都好貼心,有埋扮靚活動,不過當然都係要畀錢想搵專業人士喺紅地氈幫你影相,收費係1,000歐元(約8,700港元),另外你仲可以BOOK埋造型設計,收費都係1,000歐元(約8,700港元),而且仲會埋你P埋10張圖,兼畀埋底片你。價目表仲指出,如果一齊預訂以上兩項服務嘅話,收費係1,600歐元(約1.4萬港元,即係慳咗成三千幾港元)。

最搞笑嘅係,連採訪服務康城都有提供,不過只限於影星,據消息人士透露,套餐收費約為12萬港元,消費者仲可以要求埋刊登喺邊添,但只限於網媒,紙媒就唔包。如果係真,想體驗巨星滋味,其實都唔難啫,有米咪得咯。


來源 source: http://hk.on.cc
鍾意就快D Share啦!