掃呢頁CODE去手機

2016年4月27日 星期三

連Piece雅有勁敵!陳庭欣新金句洗晒版 連詩雅 __,庭欣,詩雅,連詩雅,陳庭欣,

究竟陳庭欣係專登寸連Piece雅定係唔小心講錯嘢呢?佢自己先知喇!Well,老實speak,依家講英文,唔單止要「larklark」聲,就算講中文或英文,「r」sound原來都係非常important,「女God」兼歌手連詩雅(Shiga)喺節目ViuTV《跟住矛盾去旅行》,中英文都要「r」音捲晒脷,四字成語更要玩crossover,好似佢將「陽光普照」同埋「朝氣勃勃」,mix埋變為「陽光勃勃」, ...


究竟陳庭欣係專登寸連Piece雅定係唔小心講錯嘢呢?佢自己先知喇!

Well,老實speak,依家講英文,唔單止要「lark lark」聲,就算講中文或英文,「r」sound原來都係非常important,「女God」兼歌手連詩雅(Shiga)喺節目ViuTV《跟住矛盾去旅行》,中英文都要「r」音捲晒脷,四字成語更要玩crossover,好似佢將「陽光普照」同埋「朝氣勃勃」,mix埋變為「陽光勃勃」,真係好鬼creative!

原來夠creative又點止Shiga一個?前港姐陳庭欣星期一晚主持節目《東張西望》講開鄰里關係,就一輪嘴咁話:「以前細個同左鄰右里好熟,因為隔籬屋嘅小朋友,同我嘅年紀差唔多,所以一齊玩呀,打羽毛球呀!食燈籠玩月餅呀...都係嗰啲嘢....」Oh Really(有r音的)?食燈籠?玩月餅?當時陳庭欣講完,都未知自己噏錯,而佢嘅拍檔主持李潤庭就講咗句:「食燈籠吓嘩...」之後就好鎮定咁接落去。

網民洗版狂loop

就係呢句「食燈籠玩月餅」,即刻引起大批網民洗版狂loop,話陳庭欣擺明要對撼「女God」Shiga嘅「陽光勃勃」搶收視,又話陳庭欣其實係明寸Shiga嘅「陽光勃勃」,同時網民反問陳庭欣:「係咪今年中秋節要食蠟煲月餅?」、又話佢係「連piece雅啲friend」,仲有人好terrible咁問:「佢肯定隔離(籬)屋嗰啲真係小朋友?」話好想知佢隔籬住咗啲咩人咁話。

李潤庭忍笑

成地都係花生,網民呢個時候當然要發揮無限創意狂玩食字啦,包括:「睇藥食醫生」、「沖個靚飯,食個靚涼」、同「冇雀嘅腳仔」等等,真係好interesting!不過有唔少網民話陳庭欣係故意咁講搞爛gag,因為李潤庭冇笑之餘,仲讚陳庭欣錯得幾自然。

但又有網民話佢係真係講錯,李潤庭只係保持鎮定忍笑,仲讚李潤庭好goodest喎!(咦,咁李潤庭會唔會因為呢件事爆紅㗎?)其實主持人或藝人講錯嘢不時都有發生,最經典係當年陳豪嘅金句「紅都面晒」、以及喺古裝劇度講咗句「同朕check吓」,網民話「食燈籠玩月餅」堅同「紅都面晒」有得揮!

網民有話兒:

Vicxx xi :就好似「陽光勃勃」,原來係連piece雅嘅朋友!

Kexxx Yexxx: 佢講得咁cake,應該係想搞gag,唔係真係講錯!

Moxxx Tsxxxx:真係睇完即刻有眼入沙,嚇到成屎都係褲!

Kx Yxxxx:佢講錯得咁自然嘅,個男仔忍笑都幾勁。

紅xxx:食燈籠玩月餅,真係神人。


來源 source: http://hk.on.cc
鍾意就快D Share啦!