掃呢頁CODE去手機

2017年9月22日 星期五

巴塞沙灘歎世界 陳庭欣怕人多唔敢裸曬 __,庭欣,陳庭欣,

陳庭欣最近去咗倫敦拍節目順便歎世界!前港姐冠軍陳庭欣最近到倫敦拍攝無綫節目,訪問「狼人」曉積文及認識了不少外國藝人,看到外地的製作,令她眼界大開。陳庭 ...


陳庭欣最近去咗倫敦拍節目順便歎世界!


前港姐冠軍陳庭欣最近到倫敦拍攝無綫節目,訪問「狼人」曉積文及認識了不少外國藝人,看到外地的製作,令她眼界大開。陳庭欣說:「同Hugh Jackman(曉積文)見面嘅時間唔多,做咗個訪問,但係佢好好人、好多笑容,你問佢少少問題,佢已經會講好多,所以佢畀我嘅印象係高大、威猛、靚仔、好人、善良同和藹可親。」

日食六餐

曾在英國讀書的陳庭欣趁機相約一班舊同學敍舊,隨後她還與同學到巴塞隆拿旅遊:「以前喺英國讀書去過巴黎、羅馬,自己好鍾意熱嘅地方,所以揀咗巴塞隆拿。我最鍾意食西班牙菜,西班牙海鮮飯、魷魚真係又平又好味,幾乎一日食六餐,因為行好多路,所以好快又肚餓。」

難得到巴塞隆拿,陳庭欣趁機參觀當地名勝,例如聖家教堂、米拉之家等。最愛與陽光玩遊戲的她,當然有去當地沙灘,陳庭欣說:「自己好鍾意去沙灘,不過,巴塞嘅沙灘同香港一樣都係咁逼人,仲見到有啲外國女士喺度裸曬添。」問到可有勇氣一試﹖她笑說:「唔會啦,沙灘實在太多人。」

兒戲保險箱

歐洲出名治安麻麻,陳庭欣慶幸沒有閃失:「之前睇片話啲酒店房保險箱亂撳密碼都開到,喺西班牙嘅酒店房貪得意試吓,點知又真係亂撳密碼都開到,真係好兒戲,好彩冇放低本護照。」


來源 source: http://hk.on.cc
鍾意就快D Share啦!