掃呢頁CODE去手機

2017年9月22日 星期五

拍劇入屋狂收短訊!柏豪嗌飢渴靠老婆解決 __,柏豪,周柏豪,

柏豪為咗演唱會要節食,老婆就好努力整啲肉畀佢食幫佢解決「飢渴」!藝人周柏豪到尖沙咀出席電影慶功宴,被問到如果票房衝破1千萬,是否想睇林盛斌(Bob)表 ...


柏豪為咗演唱會要節食,老婆就好努力整啲肉畀佢食幫佢解決「飢渴」!


藝人周柏豪到尖沙咀出席電影慶功宴,被問到如果票房衝破1千萬,是否想睇林盛斌(Bob)表演掌摑林敏驄?他說:「其實之前林敏驄拍打阿Bob係為咗節目效果啫!不過今次拍戲,我都見識到林敏驄好多時都令對手招架唔嚟,反應好快。(有冇摑你?)如果摑埋嚟我度,我閃開啦,我靠個樣搵食㗎嘛!」

柏豪抱怨慶功宴揀食火鍋,他說:「我好鍾意打邊爐,但嚟近我要開始巡迴演唱會,第一站喺廣州,每個月去一個地方,維持到出年,我已經好多餐冇食飯,飲食要keep住,嚟呢度慶功,即係要我另外烚開啲菜食啫,我好飢渴呀!(太太近排點樣幫你解決飢渴?)佢咪整啲肉畀我食囉,佢都好努力㗎,我教練話我聽日可以食肉!」

問到他在新劇《使徒行者2》中,會否與袁偉豪一樣需要爆肌,他說:「我冇㗎,雖然我嗰陣都有keep,但喺內地拍嗰時,啲嘢食好多油,我唔可以話我唔食你哋啲嘢,我要keep fit,苗僑偉請食嘢,戚美珍煲湯請大家飲,唔通你話唔飲?不過呢幾日真係收到好多短訊,問我喺劇入面係好人定壞人,我發現電視真係好入屋!」


來源 source: http://hk.on.cc
鍾意就快D Share啦!