2018年4月15日 星期日

【《體育世界》主持】傳由阿姐做媒人 59歲密髮潘宗明攜妻返港探親 __,阿姐,汪明荃,

2013年有一段小插曲。時任足球總會副主席嘅貝鈞奇,控告一份報章09年刊登一篇有關屯門普高球會涉嫌「打假波」社評文章內容,對佢構成誹謗,案件在高院審理 ...


2013年有一段小插曲。時任足球總會副主席嘅貝鈞奇,控告一份報章09年刊登一篇有關屯門普高球會涉嫌「打假波」社評文章內容,對佢構成誹謗,案件在高院審理。庭上播放涉案之球賽片段,有埋足球評述員旁述的聲音。法官於播放完畢後,主動稱:「我認得把聲係潘宗明。」當時庭上眾人未及反應,代表被告嘅資深大律師石永泰稍後向法官澄清:「其實係馬啟仁。」

另一段小插曲,發生於2012年,當年無綫同亞視取得200小時倫敦奧運播映權,仲聯手做節目。無綫派出潘宗明、徐嘉樂、李思雅、鍾志光主持直播賽事,但表現似乎不協調,其中潘宗明、徐嘉樂同李思雅被批不專業、不中立兼搶對白,真係夠晒「熱鬧」。

事隔數年,潘宗明呢個名,大家可能早已遺忘,取而代之嘅可能係馬啟仁,可能係鍾志光,但80末,到90年代,幾乎一開電視,都會見到潘宗明。入行之前做教書嘅潘宗明,備受無綫重用,派佢主持《球迷世界》、《體育世界》、《寰宇風情》,跟住又喺《K-100》同《歡樂今宵》都見到佢嘅蹤影,佢亦都曾經代表香港出去採訪一啲大型嘅體育盛事,好似88年去咗漢城奧運實地採訪,維基都有特別提番佢95年喺香港政府大球場主持賀歲杯決賽現場直播時,成功令現場觀眾玩「人浪」經典一幕。

潘宗明離開香港移居加拿大,佢喺加拿大中文電台同新時代電視擔任節目主持,其間亦有返嚟香港擔任奧運主持,佢仲同唔少圈中人都有keep住聯絡,其中一個就係阿姐汪明荃。阿姐今日凌晨喺fb貼咗張同埋潘宗明夫婦嘅合照,佢仲留言話:「有朋自遠方來 不亦樂乎、與好朋友潘宗明夫婦tea一tea.」

有網民留言讚今年已經59歲嘅潘宗明keep得好好,老朋友難得見面,戥佢哋好開心,亦有人話當年係阿姐做媒人,撮合呢段姻緣!查實睇番啲舊相,佢同當年做主持個樣,又真係分別唔大喎,而且頭髮仲厚咗濃密咗,係加國水土好啲定係「後天加工」呢?



精選娛聞,喺晒《娛果》

http://fb.com/appledailyent



阿姐喺fb留言話同潘宗明聚會。(fb圖片)
有傳阿姐汪明荃係潘宗明同太太嘅媒人,阿姐去加國旅行,都會相約潘Sir一家食飯。右一咁可愛嘅小朋友就係潘Sir個女。 (汪明荃官方網頁圖片)
潘Sir同移居咗加拿大嘅黃璦瑤經常有合作。(fb圖片)
(fb圖片)
Fairchild Radio Toronto fb圖片
Fairchild Radio Toronto fb圖片
曾擔任2015年多倫多華裔小姐競選評判(左一) (fb圖片)
當年潘Sir同楊寶玲合作做主持。(影片截圖)
又與任達華主持《寰宇風情》(影片截圖)
(影片截圖)
認唔認得左邊係邊個?童安格。  (《城市週刊》圖片)
1992年萬梓良恬妞結婚,潘宗明任司儀。 (《城市週刊》圖片)
2000年悉尼奧運會,右一係劉慧蘊。
08年,潘Sir亦有回港擔任奧運主持 (資料圖片)
左起:盧大偉、區瑞強、潘宗明、李有毅、廖啟智及羅浩楷。 (《城市週刊》圖片)

鍾意就快D Share啦!
Related Posts Plugin for WordPress, Blogger...