李璧琦短頭髮同長頭髮個Feel真係差好遠！
無綫劇集《三個女人一個「因」》星期日播出大結局，在劇中飾演奸角的藝人李璧琦大表不捨，她多謝監製潘嘉德的安排，劇中的長髮造型令她更添柔弱，令角色更有說服力，她自言﹕「我自己都好鍾意，所以都忍唔住要自拍番夠本，因為唔知幾時先有機會留到咁長。」此外，璧琦希望今次劇集能喚起大家對精神健康的關注﹕「希望透過了解同支持，可以為我哋身邊有需要嘅朋友給予鼓勵同正能量。」
另外，璧琦指同劇有老拍檔張明偉、陳智燊及郭田葰，他們自明珠台節目《Dolce Vita》就開始合作，所以在拍攝過程中，劇組同事都會講笑話見到他們四個人就覺得好似轉了去英文台，談到另一位拍檔趙永洪，她說﹕「我哋由《誰家灶頭無煙火》開始合作，一直都冇激烈對戲嘅機會，感謝監製同編劇將意想不到嘅劇情畀我哋，令我哋可以過足戲癮。」至於如何意想不到，她就大賣關子，要大家留意結局。
來源 source: http://hk.on.cc
|
鍾意就快D Share啦！
|
|
|
