2018年4月15日 星期日

【金像獎紅毯】「影後」周秀娜離晒罩 欣宜揚言:冇諗過爆喊! __,金像獎,周秀娜,欣宜,

《29+1》獲7項提名,包括新晉導演、最佳編劇、最佳女主角等。彭秀慧、欣宜同娜姐行紅地毯,娜姐大露背大deepv,彭秀慧著透視,騷首弄姿,非常飄逸,惟 ...


《29+1》獲7項提名,包括新晉導演、最佳編劇、最佳女主角等。彭秀慧、欣宜同娜姐行紅地毯,娜姐大露背大deep v,彭秀慧著透視,騷首弄姿,非常飄逸,惟獨腳傷康復中嘅欣宜著平底鞋現身。

彭秀慧自言到依家心情仍然輕鬆,未識緊張。「最緊要係唔好kick,唔好整到條裙,同埋對腳保持乾爽,因為紅地毯好濕。」爭影后嘅娜姐都話盡量心情輕鬆,enjoy嘅心態,「依家仲未識緊張。」爭女配嘅欣宜就話:「我未識緊張,但我好開心,頭先喺後台嗰陣仲成功集郵!」

大露背上陣嘅娜姐自言好穩陣安全,仲話:「最緊要靚!」但打側睇卻見佢離罩……問三女今晚有冇夾衫?彭秀慧話:「夾與唔夾之間,最緊要適合自己。」至於之後會否再改編舞台劇拍成電影?彭秀慧表示:「未諗住。」

司儀再問欣宜會否爆喊?欣宜話:「冇諗過喎,我只係嚟集郵同扮靚。」三女都話冇準備攝紙巾,「我諗到時應該好多人會俾,控制唔到。」

娜姐行完紅毯受訪,問到怕唔怕走光,佢話已經好save黐咗好多貼紙,已經盡咗力性感,佢話今日儘量挺直腰,係人生最直,坐車着鞋唔可以彎低條腰。而佢件衫改過幾次,噚日改埋最後一次,都有刻意食少咗。問到個胸有冇減咗?娜姐話:「好彩size啱啱好,其實已經最安全。」佢透露今日戴嘅戒指都3卡,連埋頸鏈都2千萬。

問到最近升lv做郭富城鄰居,佢話:「搬咗先知,見過一次。」咁有冇見到城城湊B?娜姐話:「啱啱先搬入去,忙住執嘢。」

攝影:仇志德、陳俊強、林賓尼、葉君海
《29+1》獲7項提名,彭秀慧、欣宜同娜姐行紅地毯
彭秀慧自言到依家心情仍然輕鬆。
大露背上陣嘅娜姐自言好穩陣安全,仲話:「最緊要靚!」
娜姐大露背大deep v
娜姐離罩差啲走光



鍾意就快D Share啦!