熱爆娛樂: 【2018年好男人】 Oscar約定下世繼續相戀 Elanne台下爆喊 _

2018年12月24日星期一

【2018年好男人】 Oscar約定下世繼續相戀 Elanne台下爆喊 __,Elanne,Oscar,江若琳,蕭潤邦,

蕭潤邦（Oscar）同江若琳（Elanne）今晚喺紅磡擺酒，晚上約8時半Elanne換咗白色婚紗，拖住着住寶藍色西裝嘅Oscar出場，兩人慢慢行上禮台，一班兄弟姊妹同賓客就喺左右列隊拍掌歡迎新人。

新娘江若琳喺台上話：「多謝爸爸媽媽，過去31年操心，不過我搵到一個愛我嘅男人。多謝老爺奶奶，佢哋好年青，唔會有婆媳糾紛。」之後兩人切結婚蛋糕，蛋糕以三層設計，中層寫有代表佢哋英文名嘅「O&E」，最上層係一個白色小教堂，入面就有一張兩人卡通相。兩人隨後向賓客祝酒，錫完一啖後，又應司儀要求氹氹轉錫錫。

婚禮入面又玩頒獎，將一個「2018年候選好男人」獎俾咗張繼聰，阿聰話：「好男人要有個好家族，產生落去好重要，我想將呢個獎傳畀蕭潤邦，等佢發揚光大。」Oscar接過獎後多謝老婆，佢話：「我哋好快識咗12年，都係太遲識，我哋約定下一世都一齊。」Oscar講時，台下江若琳係咁用紙巾抺眼淚，Oscar再唱出《今生今世》冧老婆。

相關新聞：【Oscar讀誓詞哽咽】咁啱喺頭上跌落嚟 JW成功接花球：冇乜計劃…

之後，新娘江若琳又再換上裙褂現身，見佢手戴4對勁粗嘅龍鳳鈪之餘，心口亦掛住3對，加上一條有3隻金豬的頸鍊及身上各種金器，可見佢嘅嫁妝真係夠重手。敬酒時，阿澤喪隊Oscar，係咁加滿一杯紅酒，Oscar喺賓客起哄下，飲晒。

精選娛聞，喺晒《娛果》

http://fb.com/appledailyent

		
 新娘換咗衫，拖住老公出場。	 賓客就喺兩旁列隊。	 江若琳同奶奶保證，唔會有婆媳糾紛。
 結婚蛋糕都幾特別。	 祝酒之後轉住錫。	 換咗套天藍色嘅裙性感到去敬酒。
 會場內有聖誕樹。	 張繼聰拎咗個「2018年候選好男人」獎，之後佢將個獎俾咗Oscar。	 Oscar話約定下世都要喺埋一齊，台下Elanne爆喊。
 江若琳嘅龍鳳鈪，多到一對手都戴唔晒	 唔知杜汶澤有冇親口祝一對新人造人成功呢？