掃呢頁CODE去手機

2018年12月24日 星期一

【返香港過聖誕】傳張栢芝謝霆鋒下月復婚 霍汶希代澄清:不是事實! __,張栢芝,謝霆鋒,霍汶希,

左(資料圖片) 右(網上圖片)
【新增內容】上月《蘋果》率先爆38歲張栢芝再做媽媽,繼為前夫謝霆鋒所生嘅兩個囝囝Lucas同Quintus,再添一兒。栢芝於本月17日透過社交網宣佈囝 ...


【新增內容】



上月《蘋果》率先爆38歲張栢芝再做媽媽,繼為前夫謝霆鋒所生嘅兩個囝囝Lucas同Quintus,再添一兒。栢芝於本月17日透過社交網宣佈囝囝滿月消息,不少網民都為佢送上祝福。



坐完月嘅栢芝相當活躍,除咗約朋友嘆茶,亦開始有網民喺唔同地方巧遇佢,好似佢上星期同Lucas同Quintus,仲有細佬張豪龍等一行多人出發去新加坡,即被網民捕獲,但原來栢芝噚晚已經返香港,仲喺機場遇上記者,不過就冇回應任何問題,而Quintus就喺栢芝推住嘅行李車上,調皮哋又企又坐。



栢芝今日朝早9點幾喺社交平台上載短片,除咗祝網民聖誕快樂,佢話今年聖誕會同三個囝囝一齊過。而呢條短片嘅製作都好認真,除咗有剪接過,仲有埋字幕,相信係因為栢芝講廣東話,又想照顧大陸網民,所以加埋字幕。



栢芝喺短片話:「喺每年聖誕節,我都會同Lucas、Quintus一齊過,今年有一啲唔同,今年我同一個小王子,第三個Baby一齊過,我自己好開心啦,雖然有少少辛苦,但覺得好幸福。」除此,栢芝又呼籲網民留言畀佢,佢會同大家分享如何照顧小孩、點樣照顧小朋友,點樣收身變得漂亮嘅媽咪添!



其實,生咗個幾月嘅栢芝,至今未有公開BB生父是誰,所以有唔少傳聞流出,最先傳出係同60幾歲嘅新加坡富豪有關,後來再傳同內地富商孫東海有關,惟這傳聞一出,栢芝即透過工作室喺社交網澄清,指傳聞係假。另外,網上有傳指霆鋒跟王菲已經分手,霆鋒下月會與栢芝復婚,甚至低調在港探過栢芝剛出生嘅囝囝,就此事聯絡霆鋒經理人霍汶希(Mani),她回覆《蘋果》說:「不是事實!我們不回應呢!」



精選娛聞,喺晒《娛果》

http://fb.com/appledailyent



栢芝話今年聖誕節最特別係同三個囝囝一齊過。(網上圖片) 栢芝話今年聖誕節最特別係同三個囝囝一齊過。(網上圖片)
栢芝坐完月即飛新加坡,但已經返咗香港。(網上圖片)

栢芝坐完月即飛新加坡,但已經返咗香港。(網上圖片)
拍片唱聖誕歌。

拍片唱聖誕歌。

鍾意就快D Share啦!