掃呢頁CODE去手機

2018年12月24日 星期一

【仆得型過人定死雞撐飯蓋】謝霆鋒跌倒被舊事重提 仲燒埋劉華嗰疊 __,劉德華,劉華,謝霆鋒,

有個詞語叫「幸災樂禍」,簡單嚟講就係睇人X街最開心。不過有啲人就算仆,都仆得型過人。近日有網友重提謝霆鋒喺《中國好聲音》綵排時跌親嘅事,又話佢跌完仲死 ...




有個詞語叫「幸災樂禍」,簡單嚟講就係睇人X街最開心。不過有啲人就算仆,都仆得型過人。

近日有網友重提謝霆鋒喺《中國好聲音》綵排時跌親嘅事,又話佢跌完仲死雞撐飯蓋,瘀到無眼睇。雖然霆鋒跌嗰下真係有啲瘀,但都係因為投入啫,而且佢叫啲隊員唔好扶佢,繼續綵排表演,自己就坐喺地扮high,其實佢意識上好正確喎,如果現場表演時又有意外,啲隊員又過嚟扶停晒表演,咁個畫面咪好尷尬?

講到跌,霆峰真係有晒經驗,2003年同容祖兒一齊舉行簽名會,擔心後排觀眾睇唔到自己,於是拉埋Joey企上枱,點知突然失衡二人齊齊跌倒,連企喺一邊嘅3T(左起:Yumiko、Maggie和Mandy)都忍唔住笑出聲。首次合辦簽名會就搞成咁,據聞當時霆鋒話:「下次唔好搞囉。」

其實連劉德華都試過係節目上跌到一仆一碌。佢當年上費玉清節目載歌載舞,一個失足滑倒,費玉清仲要以魔性笑聲笑唔停,都真係幾尷尬,好彩劉華識得自己打圓場:「大家剛才看不到,今天發生的事,在這門口以外的人都不能知道,OK?剛才的事,製作單位把它剪掉,謝謝。」

鍾意就快D Share啦!