掃呢頁CODE去手機

2018年12月24日 星期一

江若琳:勁多金器!蕭潤邦唱情歌 江若琳冧到喊 __,江若琳,蕭潤邦,

好冧呀!蕭潤邦、江若琳今日結婚,有份去飲嘅DJ少爺占喺IG上載短片並留言:「願意今生約定他生再擁抱。」片中見到蕭潤邦唱住《今生今世》,情深攬住江若琳, ...


好冧呀!


蕭潤邦、江若琳今日結婚,有份去飲嘅DJ少爺占喺IG上載短片並留言:「願意今生約定他生再擁抱。」片中見到蕭潤邦唱住《今生今世》,情深攬住江若琳,江若琳都相當冧豬,一路聽一路喊,最後一對新人忍唔住錫錫呀!

宴間江若琳喺台上多謝父母同埋老爺奶奶,佢話:「佢哋好年青,唔會有婆媳糾紛。」之後兩人切三層結婚蛋糕,最上有一個小教堂,非常有愛!之後又有頒獎環節,張繼聰奪得「2018年候選好男人」,佢話:「好男人要有個好家族,我想將呢個獎傳畀蕭潤邦,等佢發揚光大!」蕭潤邦即時冧妻話:「我哋識咗12年,都係太遲識,我哋約定下一世都一齊!」

之後江若琳換咗裙褂,配戴「重型武器」上陣,見佢手戴四對巨型龍鳳鈪之外,心口亦掛有三對龍鳳鈪兼三隻豬牌,加埋其餘嘅金戒指同耳環,相當有睇頭!敬酒時,佢都勁High,飲到面紅紅,去到杜汶澤個枱,蕭潤邦「中伏」被斟滿一杯紅酒,喺所有賓客起哄之下「自隊」!


來源 source: http://hk.on.cc
鍾意就快D Share啦!