掃呢頁CODE去手機

2018年12月24日 星期一

【忘年戀開花結果】77歲海報師阮大勇娶細31年老婆 新郎同岳父同年 __,阮大勇,

77歲海報師阮大勇噚日同46歲女友Virginia註冊結婚,77歲岳父(圖左後排左一)及黃玉郎(圖右)做證婚人。(受訪者提供照片)
現年77歲、曾為《天才與白痴》同《半斤八両》等經典電影繪畫海報嘅「電影海報教父」阮大勇,今年4月爆出同細佢31年嘅酒店公關(市場及傳訊總監)許慧韶(V ...


現年77歲、曾為《天才與白痴》同《半斤八両》等經典電影繪畫海報嘅「電影海報教父」阮大勇,今年4月爆出同細佢31年嘅酒店公關(市場及傳訊總監)許慧韶(Virginia)發展忘年戀,兩個人喺社交網宣佈拍拖消息之餘,仲宣佈埋訂婚消息。



今年4月阮老師同Virginia接受《蘋果》專訪,細訴兩人相戀經過。阮老師於2007年經歷喪偶之痛,與前妻育有一仔一女,阮老師前年同Virginia認識,Virginia話阮老師同自己爸爸同年紀,所以特別好傾,但後來發現阮老師有追求之意,曾經好抗拒,但愛Virginia愛得好深嘅阮老師,用誠意打動女方,主動教Virginia畫畫,又不停喺社交網讚好Virginia嘅post,終於成功打動Virginia芳心,喺今年1月正式交往(相關新聞: https://bit.ly/2BDwCbE )。



呢段忘年戀更開花結果,77歲嘅阮老師同46歲嘅Virginia,噚日(23日)喺赤柱一間餐廳註冊結婚,雙方家人包括阮老師仔女及Virginia父母、細佬、黃玉郎、鄭丹瑞、盧冠廷等都有見證佢哋開心時刻。阮老師着西裝襯牛仔褲打煲呔,Virginia就着白色套裝,兩個人打扮好causal。



今日《蘋果》打電話恭喜阮老師,佢好開心咁話:「噚日喺赤柱一間餐廳,黃玉郎、鄭丹瑞、盧冠廷兩夫婦,仲有祁文傑、邱福龍,都好多好朋友嘅。」



講到婚禮好低調,阮老師就話:「我覺得低調啲好啲。雙方證婚人簽名,不過因為我爸爸媽媽都過咗身,所以我請咗黃玉郎先生幫我做證婚人,好開心。大家食西餐,影相食飯,下午兩、三點就結束,好開心,雖然有毛毛雨,但好似氣氛更加好咁。」



再做新郎心情點樣?阮老師話:「好開心,雖然係咁嘅年紀,第二次,但我覺得簽咗婚約之後係開心嘅,感覺係完全唔同,真實咗,夢想成真。」對太太有乜承諾?阮老師話:「對佢更加好,更加愛佢。」阮老師話太太今日都要返工,因為聖誕節酒店工作好忙。



至於Virginia接受《蘋果》訪問時,就話婚禮好簡約好開心:「好多朋友支持我哋,所以我哋覺得好幸福好幸福。好難得個天都安排得好好,雖然有微微落雨,但當我哋一註冊完,個天就即刻光晒,好似喻意一天光晒,我哋兩個都好感動。」



精選娛聞,喺晒《娛果》

http://fb.com/appledailyent



77歲海報師阮大勇噚日同46歲女友Virginia註冊結婚,77歲岳父(圖左後排左一)及黃玉郎(圖右)做證婚人。(受訪者提供照片) 婚禮噚日喺赤柱餐廳舉行。(facebook圖片) 婚禮噚日喺赤柱餐廳舉行。(facebook圖片)
阮大勇話娶到好老婆好開心。 (受訪者提供照片)

阮大勇話娶到好老婆好開心。 (受訪者提供照片)
眾親友同一對新人大合照。(受訪者提供照片)

眾親友同一對新人大合照。(受訪者提供照片)
黃玉郎做阮大勇證婚人。(受訪者提供照片)

黃玉郎做阮大勇證婚人。(受訪者提供照片)
家人及親友觀禮。(受訪者提供照片)

家人及親友觀禮。(受訪者提供照片)
鄭丹瑞、盧冠廷夫婦及祁文傑到賀。(受訪者提供照片)

鄭丹瑞、盧冠廷夫婦及祁文傑到賀。(受訪者提供照片)
註冊完一天光晒。(受訪者提供照片)

註冊完一天光晒。(受訪者提供照片)
阮老師女兒(左一)同個仔(左二)都有戥爸爸開心。(受訪者提供照片)

阮老師女兒(左一)同個仔(左二)都有戥爸爸開心。(受訪者提供照片)
一對新人話好感動。(受訪者提供照片)

一對新人話好感動。(受訪者提供照片)

鍾意就快D Share啦!