掃呢頁CODE去手機

2019年8月25日 星期日

英超Fever:【死性不改】賤男朗尼爆房斷正 婚姻大危機 __,賤男,

邊有貓係唔食魚?個朵一早已經花晒嘅賤男朗尼,日前再被影到疑似偷食,英國《太陽報》圖文並茂報道,朗尼喺清晨時份鬼祟拖住神秘女子上酒店,事前亦喺夜店同該女 ...




邊有貓係唔食魚?個朵一早已經花晒嘅賤男朗尼,日前再被影到疑似偷食,英國《太陽報》圖文並茂報道,朗尼喺清晨時份鬼祟拖住神秘女子上酒店,事前亦喺夜店同該女子攬頭攬頸非常親暱,真係水洗都洗唔清!朗尼老婆麥露蓮之前一次又一次原諒老公出軌,早前仲話想同朗尼再生多件,今次都唔知點收科。

朗尼上周日(18號)隨華盛頓聯隊作客加拿大,呢位英格蘭前鋒喺比賽入面打人食紅牌,連累球隊0比1輸畀溫哥華白帽,不過做罪人都無損佢心情,賽後同費達歷比爾蘭特等幾名隊友齊齊蒲通宵。朗尼等人喺晚上10點半先去咖啡廳開餐,入夜後就連去2個夜場,消息人士指朗尼最初都好規矩,但愈夜愈狼死,尤其同一位着高肘鞋、黑皮褲同黑背心嘅女子特別親密,朗尼一度攬住佢條腰,個女子亦攬住朗尼條頸玩「胸壓」。咁都唔止,一行人之後去其中一位朋友屋企繼續玩,朗尼更High到跳入按摩浴池。

直到凌晨5點半左右,朗尼同該女子以及一名男性朋友齊齊離開,不過途中男友人走先,朗尼竟然同女子一齊返華盛頓聯隊下榻嘅酒店。消息人士透露:「朗尼同個女仔邊講邊笑,個女仔好有魅力,之後佢哋一齊入咗電梯。雖然玩足成晚,但佢哋睇嚟都仲係精力十足。」幾個鐘頭之後,朗尼就換番華盛頓聯隊隊服,隨隊飛返華盛頓。

朗尼老婆麥露蓮目前喺英國柴郡嘅2,000萬鎊新豪宅,照顧佢哋4個囝囝。朗尼明年1月將回流英國,加盟英冠球會打比郡,據聞呢次轉會係麥露蓮意願,佢想一家人齊齊喺英國生活,不過今次再爆疑似偷食醜聞,佢哋嘅婚姻將亮起紅燈。

立即參加「賞您睇」:https://tinyurl.com/y2e6pmwk 

Click下面粒掣,儲on.cc coins!機票、家電、超市禮券、過萬份獎品等緊你。




來源 source: http://hk.on.cc
鍾意就快D Share啦!