網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2020年5月4日 星期一

【侍母至孝】城城憶亡母哽咽 揀母親節開騷有原因 #城城 #郭富城

繼歌神許冠傑舉行同舟共濟Online騷為港人打氣,今個星期六(9號)下午5點至6點,郭富城在海港城天台停車場舉行《郭富城鼓舞•動起來OnlineCon ...






繼歌神許冠傑舉行同舟共濟Online騷為港人打氣,今個星期六(9號)下午5點至6點,郭富城在海港城天台停車場舉行《郭富城鼓舞•動起來Online Concert 2020》,免費於網上直播,希望為近期因武漢肺炎導致沒收入的舞蹈員及電影界手足籌款,他集合近100名舞蹈員同心抗疫為慈善,同時為港人打氣。

協助城城舉辦今次演唱會的阿旦,早前訪問了城城,當中談及城城近年的改變,阿旦笑言城城現在變成了一個慈父,城城說:「呢樣嘢好自然,人去到某個階段,係年齡嘅增長,唔同階段會想做唔同嘅嘢,係生活嘅改變,每一個人都會經歷。」他又指自己得到最佳最男主角時,認為生活要有改變,要有一個穩定的生活,他說:「加上媽媽年紀開始大,佢一直都想睇到我成家立室。」談到這裡,城城不禁要停下來,而阿旦也說明白的。

城城一向侍母至孝,可惜今年2月城城媽媽與世長辭,固城城憶起母親時一度哽咽,道出心中一大遺憾:「大家都希望可以陪伴自己老邁嘅母親,但係因為自己工作上嘅關係,好多時都唔可以真係做得到。我覺得呢個係遺憾嚟嘅,但係另一邊廂,媽媽見到自己有成績嘅時候,佢係安慰嘅。」

城城續道:「我一直認為母愛好偉大,因為爸爸離開嘅時候比較早,1995年離開,媽媽一直以嚟都好支持我工作,我第一次做dancer,其實爸爸好反對,佢想我做金行,因為佢係做金行,所以想我繼承父業。但到我希望入訓練班,係媽媽叫爸爸畀我去試下,所以我呢條咁長嘅路,媽媽一直都支持我。」城城指到50歲時希望可以給媽媽看到自己成家立室,現在成為了兩個囡囡的父親,算是完成了媽媽的願望。

城城最開心是媽媽可以看到他結婚,到大寶出生時,媽媽抱着大寶的時候也很開心。談到二寶出生時,媽媽已經走到人生最後的一段路,城城說:「當時媽媽好疲累,就算佢疲累,我同佢講話二寶望住佢,佢都會用盡力去望住二寶微笑。」

最後,城城寄語觀眾:「希望大家睇到呢個show之後,喺呢個禮拜到正日嘅時候唔好錯過呢一日(母親節),為你哋自己身邊嘅母親做返啲嘢,請佢哋飲餐茶又好,買個菠蘿包畀佢哋食都好,都係對母親嘅一種敬意。」

-----------------------------

App內1-Click訂閱《蘋果動新聞》

按此了解更多

郭富城早前接受阿旦訪問。(網上圖片)


城城憶起亡母時不禁哽咽。(網上圖片)



鍾意就快D Share啦!