上堂學戲爭做一姐
自無綫花旦佘詩曼、胡杏兒、楊怡等離巢，一班無綫「姐仔」當然出盡法寶，力爭TVB一姐之位，馮盈盈早前報名參加由鄭丹瑞主理之網上演技訓練互動平台「SHOW 8」，向名導劉偉強、視帝黎耀祥與郭晉安、視后胡定欣與黃智雯等學習演技，增值自己。盈盈直言獲星級導師指點，獲益不淺，其中影后惠英紅之教導令她最難忘，她說：「紅姐講佢點樣練自己嘅眼珠，同埋用面部所有肌肉嚟演戲，令我非常佩服！仲有好多謝旦哥（鄭丹瑞）喺我每次拍好功課影片後都會畀評語，最近一次讚我有明顯進步，好感動！（點解唔叫鄭衍峰一齊報名？）佢暫時主持工作較多嘛！」
經已上了6堂課的盈盈，每次交功課都落足心機，於自我介紹短片時以酒寓演技，很有心思，難怪鄭丹瑞讚這位學生夠晒乖！他說：「因為佢係藝人，所以我對佢嘅要求會嚴厲啲，佢上咗幾個星期堂之後，真係見到佢嘅進步，尤其最近兩期功課，佢畀到好多驚喜我，眼神運用得相當出色，亦願意拋低靚女包袱。」
來源 source: http://orientaldaily.on.cc
|
鍾意就快D Share啦！
|
|
|
