【張栢芝搲水吹】疫情留家輕發福黃宗澤發奮做Gym黃宗澤同張栢芝識於微時，好鍾意放嘢上網嘅栢芝見到舊友嘅Post都忍唔住留言。39歲嘅黃宗澤接受訪問時透 ...
【張栢芝搲水吹】疫情留家輕發福 黃宗澤發奮做Gym
黃宗澤同張栢芝識於微時，好鍾意放嘢上網嘅栢芝見到舊友嘅Post都忍唔住留言。 39歲嘅黃宗澤接受訪問時透露疫情期間雖然成日喺屋企，但佢一啲都唔悶仲非常之忙，因為佢會：「做家務、運動同油吓屋企。」又會帶啲狗去行山同做運動，雖然係咁郁，「但都肥咗3磅幾。」佢答得好無奈。
年紀唔細，再肥落去好難減，所以澤囝覺得係時候要操吓，就跟教練做Gym，佢將做Gym片段放上ig後，即引嚟「ig之后」張栢芝嘅留言，「好耐冇見呀好努力喎，唔怪得知保持得咁fit啦。」，兩人喺1998年拍陽光檸檬茶廣告入行，都成22年前，栢芝講嘅好耐冇見，唔知幾多年呢?
