恭喜！恭喜！RubberBand 隊長阿正再度榮升爸爸！同馬來西亞環球小姐尚羚Sherine 結婚4年，一直都非常恩愛。去年Sherine 爆老公阿正恨生要BB，更表示二人已有共識，隨時準備迎接人生下一個階段。開行turbo 造人，話咁快就得米！
日前《壹仔》發現兩公婆孖住行超市，已經佗住BB的Sherine ，明顯見肚，望落至少6個月大。沿路阿正對住大肚老婆非常著緊，一見Sherine 想推架購物車，阿正即刻一手搶番，唔俾老婆操勞，原來band仔都有貼心嘅一面架！
雖然見晒肚，但大肚婆Sherine仍想配合老公作風，將懷孕一事低調：「我已經好少出街，咁都俾你地影到！我Daddy，媽咪就叫我唔好講住囉！你哋影到，睇到咩就咩」
同前妻有一對仔女
身為RubberBand隊長兼結他手的的阿正，私生活一向保持低調。據知，阿正其實是富三代億萬太子爺，爸爸家族是大業主，富豪建築師馮熾均，哥哥亦是資深大律師馮庭碩。而阿正早年已經結過婚，與前妻育有一對仔女。- 阿正同馬來西亞環球小姐尚羚Sherine 結婚4年，一直恨生B。
再娶大馬環球小姐
12年，阿正同Sherine 撻著，拍拖3 年就拉埋天窗。曾經奪得「馬來西亞小姐」的Sherine，原本入行做model。近年在老公支持下，轉戰做爵士歌手。入行後，Sherine 憑住一把靚聲，密密有騷接，仲開過幾場Mini concert。原本在上年8月，Sherine 打算出碟，但因為疫情關係，結果要延期。兩公婆有共同嗜好，一樣熱愛音樂，去年Sherine 踢爆阿正好恨要BB，仲諗定將來一家三口畫面，就是仔女彈琴，阿正負責彈結他，而Sherine 唱歌，組成family band，睇嚟他倆的願望好快成真！
6個月巨肚曝光
日前《壹仔》見到身穿一條黑白間超貼身短裙的Sherinez，明顯見肚，還時不時用手摸著。選美出身，連當孕婦都要Keep住靚，現場所見，Sherine身型冇走樣，雙腳依然纖瘦，未見水腫。至於阿正雖然唔係第一次做爸爸，但似乎都好緊張，全程做「跟得老公」，推住購物車，傍實老婆入貨。在疫情之下陀B，必須時刻保持防疫警覺，阿正為了保護老婆，日日口罩不離口。- 早前阿正獲邀錄影Viu 節目《chill club 》，錄影時全程冇除低口罩。
上Viu 錄節目唔除罩
早前他錄影Viu 節目《chill club 》，錄影時阿正全程冇除口罩。在五位隊友之中，就只有他與泥鯭做足安全措施，全程戴住。事實上，Viu Tv 的製作部上星期出現確診個案，屋企有大肚婆，阿正當然要小心至上懷孕初期被困大馬
原來在Sherine懷孕初期，兩公婆曾經被困大馬。因為新年期間，阿正陪老婆返大馬探親。撞正疫情爆發，3月中大馬開始「鎖國」，兩公婆於是滯留當地，當時Sherine 更表示他們尤如被困「死城」。直至5月，大馬開始逐步解封，當時已經懷孕的Sherine ，寧願選擇冒險上機，都要陪老公返香港開工，的確係嫁雞隨雞！---------------------------
守住新聞自由 和你撐計劃每月$300起撐《壹》仔
按此了解更多
壹呼百應 號召有心人 請香港人睇壹週刊
按此了解更多
-----------------------------
【昔日紙本檔案庫】
30年壹仔經典 壹壹重現！
來源 source: http://nextplus.nextmedia.com
|
鍾意就快D Share啦！
|
|
|
