同諸葛紫岐講聲生日快樂先！
名媛諸葛紫岐（Marie) 昨日（20日）37歲生日，雖然今年因新冠疫情關係，冇得好似往年咁喺外地過，不過好在廿四孝老公薛嘉麟（Ernie）同兩個囝囝，為佢搞咗一個，以Marie最喜歡嘅麵包超人為主題嘅童話式生日派對。老公仲花咗好長時間設計，同精心布置派對現場，令現場布滿七彩繽紛的氣球，相當耀眼。
壽星女見到老公嘅精心布置時，不禁開心大叫咗出嚟，Marie帶上一條加冕的綵帶，再配以皇冠成為咗「Birthday Queen」，同時都喺老公眼中的「永遠美麗的女神」，佢哋興奮到即場熱吻，大仔韜韜亦有樣學樣即飛向媽咪索吻，場面溫馨。
生日會驚喜一浪接一浪，當Marie切生日蛋糕時，發現老公同大仔不知所終，原來佢哋去了變身，化身成為 Marie最愛嘅麵包超人同青葱人，Marie雖說老公已經唔係第一次扮麵包超人，但其實每次都會令佢非常感動同難忘，依家最期待出年生日細仔可以加入，三父子一齊為佢慶生。
問到生日願望，Marie說：「希望自己、家人、朋友個個都身體健康、幸福快樂，疫情盡快過去，大家都回復正常的生活！」雖然今年未能同大班朋友一齊起慶祝，不過佢都收到好多朋友送上嘅祝福，佢話：「昨日一起身就收到大家送來的鮮花和禮物、感恩所有愛我的人，有你們真好！」
對於老公的愛和心思，Marie再晒攬着老公等照片，並激罕地首次發文表達對老公的愛意：「昨夜的興奮點，感謝老公和兒子帶給我的驚喜。雖然佛說一切皆是虛幻，但是我還是喜歡那霎那的永恒，在我抱着穿麵包超人服那刻的你，萬物歸零，你是一。老公，你是我生命中所能經歷的，最深切的感覺。」
來源 source: http://hk.on.cc
|
鍾意就快D Share啦！
|
|
|
