2020年9月3日星期四

【阿B身份曝光】暗示曾做人工流產手術 35歲靚媽 Macy認同細So真心相愛 #Macy #徐熙娣 #細S #細So #蘇耀宗 #鍾鎮濤 #阿B

【阿B身份曝光】暗示曾做人工流產手術 35歲靚媽 Macy認同細So真心相愛

「阿B」身份曝光，原來是「靚媽KOL」Macy。

商台前DJ蘇耀宗（細So）被爆背妻偷食KOL「阿B」兩年半，直至今年6月才斬纜，不過今日又有消息指，阿B與細So親熱後發現染上HPV病毒，引起全城競猜誰是「阿B」，3大嫌疑人車泳希、林呈風及杜小喬亦慘被拖下水！然而「阿B」真正身份，原來是現年約35歲、在Facebook開設專頁「Little Fitting Room」賣童裝及首飾的「靚媽KOL」練美施（Macy）！

與丈夫育有兩個小朋友的Macy，除了於社交平台分享育兒心得，大晒一對仔女萌照及影片外，身材Fit到漏的她仲會上載自己的靚相，盡騷白滑巨乳，難怪吸引細So垂涎！不過偷食事件曝光後，Macy已將IG賬號移除，以免身份曝光。對此，Macy向傳媒坦承是女主角「阿B」，更爆喊自稱跟細So「唔係玩，係認真」，又堅信對方是真心愛自己，這段關係才維持那麼久，但強調「成件事一開始係錯」亦覺得對唔住，而雙方也有責任，自己都想走過好多次，可惜衰心軟，最終覺得「要去狠心啲去做一個決定」才斬纜，現時只盼事件盡快平息。

提到染上HPV病毒，Macy指自己和老公都有定期驗身，肯定唔關老公事，並就感染HPV給老公一事而感到抱歉；她又自爆「身體唔止一次受過傷害」，被追問是否曾為細So做人工流產手術？Macy默認道：「唔想提，做子宮手術嘅事係朋友同先生知，其他手術只有我知，朋友都係事後先知，冇其他人知。（細So都唔知你墮胎？）唔回應。」對於傳她與中醫老公已離婚，Macy否認離婚一事，但謂與細So一起前已跟老公的關係有變，直至兩人分手後，她已獲得老公原諒，對方也表示會站在她身邊。