JW（王灝兒）與卓悅太子爺葉韋彤拍拖三年戀得火熱，之前曾經多次傳出結婚的消息，不過實情是她仍然熱衷事業，約滿Sunny Idea後，轉投星夢娛樂。「賣身」後的JW會被安排唱劇集主題曲。日前JW趁空檔，與女友人到銅鑼灣時代廣場shopping，《蘋果》讀者劉小姐透過「爆相爆片」，直擊當時情況，讀者劉小姐表示當時大約下午3時左右，她在時代廣場三樓賣化妝品的舖頭遇到JW：「嗰陣我入去咗一間專賣韓國化妝品嘅店舖拎嘢，突然聽到一把好熟嘅聲，望真啲原來係JW。商場嘅人流唔算太多，始終啲人仲未收工，JW主要係睇啲set裝保濕護膚品，不過佢都係齋睇消磨吓時間，最後見佢乜都冇買就行咗去。」
當日JW穿了一條白色貼身褲，上身穿了一件黑色短袖tee，劉小姐直言：「霎眼睇，JW嘅下半身睇落似乎有點肥，我仲以為過新公司會修吓身，本來我都好鍾意聽佢啲歌，點知佢會離開咗舊公司轉投簽咗星夢娛樂，唉，真係超失望囉！」
事實上JW當日加盟星夢娛樂，跟菊梓喬做一姐，有fans對這個決定有點不滿，紛紛走到她的社交平台留言：「點解要去星夢」、「居然簽星夢」、「點解你要簽星夢呀？希望佢哋唔好嘥咗你，繼續聽到你嘅好歌」，其後JW避談fans的質問，只說：「都有好fans留言話就算去邊都會支持我，只要我唔放棄唱歌，我可以應承大家，我係唔會放棄唱歌，入咗行10年，想試多啲唔同嘅嘢，尤其係拍劇，不過都同公司慢慢傾緊。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於《蘋果日報》你的優惠網上獨家發售！
來源 source: http://hk.appledaily.com
|
鍾意就快D Share啦！
|
|
|
