女星Angalababy憑主演新劇《風起隴西》備受關注，飾演日本歌姬間諜嘅佢，一出場就為劇集拉高收視，而佢亦不負眾望，多次帶來精采演出，佢喺劇中將一眾男角迷到神魂顛倒，一時偷錫聶遠面珠，一時又向白宇施展美人計，而最令網民讚賞嘅，就係當佢身份被白宇質疑時，佢即一臉無辜，大使苦情計，最後獲白宇贈予通行令牌放行並告別，2人分離時，Baby有愛難言強忍淚水，只抱過對方就轉身離開，淒美一幕睇到網民眼濕濕。
不過好戲在後頭，劇組公開花絮片段，原來拍攝時Baby琢磨劇中角色嘅感情是真是假，認為如果抱一下就坐實係真，但如果唔抱就走感覺只係利用對方達成目的，一個細微動作令整個故事更昇華，而當佢抱向白宇時，原來珍珠般嘅淚水亦忍唔住落下，克制得嚟又情深，感染力十足，其多層次演繹令「Angelababy珍珠落淚」成為熱話，獲過百萬網民關注及討論，激讚佢演技大爆發，隔住個Mon都feel到嗰種撕心裂肺嘅痛。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
