2015年12月23日 星期三

獨居女神唔想 Lonely Christmas [FACE - 448 - 大專校園] __,女神,MF,

蔡富欣 Rachel公大會計系Yr.3fb:RachelChuaig:chuayann上年聖誕,Rachel同屋企人喺紐約渡過,「好難得有一個月時間成家人晚晚一齊食飯閒話家常,以前喺香港各有各忙,都唔知幾耐冇同枱食過飯!」U花U草獨居女神唔想LonelyChristmas好多後生仔都恨儲夠錢快啲搬出嚟住,有自己小天地又唔使日日俾父母煩,不過讀公大會計系Yr.3嘅蔡富欣Rachel有機會獨居反而掛住 ...


蔡富欣  Rachel

公大會計系 Yr.3

fb: Rachel Chua

ig: chuayann

上年聖誕, Rachel同屋企人喺紐約渡過,「好難得有一個月時間成家人晚晚一齊食飯閒話家常,以前喺香港各有各忙,都唔知幾耐冇同枱食過飯!」

U花 U草

獨居女神唔想 Lonely Christmas

好多後生仔都恨儲夠錢快啲搬出嚟住,有自己小天地又唔使日日俾父母煩,不過讀公大會計系 Yr.3嘅蔡富欣 Rachel有機會獨居反而掛住同屋企人一齊生活嘅日子,唔想過 Lonely Christmas。

大時大節點都想同屋企人過,不過 21歲嘅 Rachel今年就得番自己喺香港過聖誕,「自從父母同阿妹上年移民咗去美國,我就自己一個住。初初當然好開心好自由,想幾點返屋企都得,但晚晚返屋企對住四面牆其實好慘,做完成日嘢仲要返嚟洗衫晾衫,每次到呢啲位就好掛住屋企人。試過大頭蝦落雨唔記得閂窗,搞到差啲水浸咁滯。上星期媽咪 WhatsApp提我着多件衫,唔好食公仔麵,我嗰刻真係忍唔住喊住打咗句『媽咪,我好掛住你。』」

自細溫室長大嘅 Rachel要咩有咩,屋企人唔喺身邊反而令 Rachel加速成長,「咪以為自己一個住就好爽,雖然我唔使交租,但水電媒樣樣都係錢,惟有自己慳啲洗,食平啲、買少啲衫,都唔想問屋企人拎錢。我下年畢業之後就會過美國生活,所以想趁呢個機會去做自己想做嘅模特兒工作,自己養自己,唔想咁大個人仲要屋企人擔心。」

Rachel家教好嚴,出夜街屋企人都會追魂 call問佢幾時返屋企,「有時 11點幾返,媽咪仲會落樓接我,可能因為咁,𠵱家自己住都好少出夜街,鍾意宅喺屋企!」

屋企人唔鼓勵 Rachel做模特兒,但佢就想嘗試自己鍾意嘅工作,就算要企街派傳單, Rachel都冇所謂。

Rachel一有長假就去美國探屋企人,仲試過喺當地藥房做配藥。「雖然係短短一個月,但我都想搵嘢做吓,適應當地生活。」

撰文:葉浩婷

攝影:范仲良

化妝及形象: Kika Wong

鳴謝: Megasea Ltd.


鍾意就快D Share啦!
Related Posts Plugin for WordPress, Blogger...