唔使理別人嘅眼光，做回自己點都係最快樂。現年28歲嘅鄭欣宜，已經深深明白呢個道理。
2003年，欣宜擔任修身堂代言人，由高峯期體重接近226磅，減走近80磅，當時全城都關注佢嘅身形，有人讚欣宜好勁，亦有人踩佢唔知醜，之後欣宜體重就浮浮沉沉。
今日欣宜喺facebook以英文寫咗一篇文章，分享2011年嘅一件減肥事，大概係話嗰年佢要同徐子珊喺戲入面扮twins，當時欣宜係最瘦嘅時期，有139磅，因為劇情需要，要close up兩位女演員嘅腳部，結果呢一個鏡頭最後要用替身代替欣宜，原因係佢對腳太粗！
欣宜剖白當晚返到屋企，仲要為咗keep住身形而要扣喉，入睡前更喊咗一輪。
去年欣宜曾經咁樣講：「旁邊沒有人幫助，最親的都走了，我墜入一個沒有快樂的世界，衹有減肥，減肥，減肥……我遺忘了人生最寶貴的東西，就是健康……這時開始沉澱，思考自己的身心，開展健康的生活，不會再强逼自己，不會再漠視自己的心靈……（原文：http://goo.gl/wKo9BZ）」呢篇文章，有超過9萬人畀like。
現時嘅欣宜領悟到身心健康，比外表靚令佢快樂，所以佢唔再怕照鏡，亦唔會做任何事傷害自己，佢都盼望大家身體同心靈都要健康。
來源 source: http://hk.apple.nextmedia.com
|
鍾意就快D Share啦！
|
|
|
