掃呢頁CODE去手機

2015年12月23日 星期三

那些年在平安夜做過最膠的事 [FACE - 448] MF,

全知言那些年在平安夜做過最膠的事聖誕節又到,大家諗好咗浪漫平安夜點過未先?定係晨早plan定行程同一大班人瘋狂過聖誕?不過有關平安夜,大家後生都一定做過啲膠事好鬼𤓓!娜姐就話試過在LKF企足一晚街食風超膠,唔知大家又有幾傻呢?周秀娜:老蘭企一晚諗住同班女仔朋友一齊出去感受吓聖誕氣氛,我仲記得嗰陣係啱啱18歲,諗住可以去蘭桂坊啦!咁我就着到好靚,又諗住可以成晚着住對高跟鞋,點知,真係好膠,因為我就咁 ...


全知言那些年在平安夜做過最膠的事聖誕節又到,大家諗好咗浪漫平安夜點過未先?定係晨早plan定行程同一大班人瘋狂過聖誕?不過有關平安夜,大家後生都一定做過啲膠事好鬼𤓓!娜姐就話試過在LKF企足一晚街食風超膠,唔知大家又有幾傻呢?周秀娜:老蘭企一晚諗住同班女仔朋友一齊出去感受吓聖誕氣氛,我仲記得嗰陣係啱啱18歲,諗住可以去蘭桂坊咁我就着到好靚,又諗住可以成晚着住對高跟鞋,點知,真係好膠,因為我就咁 ...


全知言

那些年在平安夜做過最膠的事

聖誕節又到,大家諗好咗浪漫平安夜點過未先?定係晨早 plan定行程同一大班人瘋狂過聖誕?

不過有關平安夜,大家後生都一定做過啲膠事好鬼𤓓!娜姐就話試過在 LKF企足一晚街食風超膠,唔知大家又有幾傻呢?

周秀娜:老蘭企一晚

諗住同班女仔朋友一齊出去感受吓聖誕氣氛,我仲記得嗰陣係啱啱 18歲,諗住可以去蘭桂坊咁我就着到好靚,又諗住可以成晚着住對高跟鞋,點知,真係好膠,因為我就咁喺條街度企足一晚,都入唔到去蘭桂坊!咁我就喺咩都無食過,又凍啦、又着住短裙啦,仲要高跟鞋嘅情況下,全晚都喺度遊行咁囉!

Winkie黎美言:整蠱錯人

最膠嘅平安夜莫過於有一年嘅平安夜 party,遠處見到個朋友諗住整蠱佢,咁我就匿埋然後跳出嚟,左手箍住佢,右手已經準備好 cream撻落佢塊面度,係咁捽係咁捽,結果行上前同佢講 surprise,佢竟然話:「小姐,你係邊位?」原來我認錯人呀!

林子善:撞樣踩場

有一年有個女仔喺 facebook度同我講,「今晚我知你喺邊度打碟,所以我會嚟撐你場!今晚見!」咁我就話「好吖,多謝你!」返返吓工嘅時候突然有個女仔出現,佢就問我認唔認得佢,咁我就話「我認得你呀!你今日下晝同我講過嚟撐我場嘛!」我仲開個 facebook俾佢睇。點知我俾佢鬧,佢話:「黐線㗎你都,我邊有同你講過啫,我唔係佢嚟㗎!」之後就嬲爆爆走咗!但係我睇個樣同佢係一樣,點解呢?原來真係有撞樣嘅事㗎!

陳詩欣:全日 offline

喺中學嘅時候未拍拖,唔可以話俾啲同學聽我冇人約㗎嘛,咁嗰時仲興 MSN同埋 ICQ,咁我就全日都唔可以 online,唔係就會俾啲同學笑,我覺得自己呢個行為係傻嘅!

Monnie(牛雜妹):去錯地方

話說幾年前嘅一個平安夜,我朋友約咗我去太古城倒數,結果我自己坐錯車,去錯咗九龍塘嘅又一城,當我發現嘅時候已經係接近倒數嘅時間,最後嗰一年我係自己一個喺又一城嗰邊同一班我唔認識嘅陌生朋友一齊倒數,迎接咗我嗰一年嘅聖誕節。

【膠事】大把有得數 街坊:行落太平山

嫌一班星嘅平安夜膠得唔夠好笑?唔緊要,仲有班 90後嘅學生哥繼續分享!講時講,攞燈膽用嚟交換禮物確係又大膽又膠嘅!

家豪  21歲

試過去太平山,但係太多人搭唔到纜車走,咁咪要行路落去,行咗一個鐘頭左右,三丁友黑媽媽咁攞電筒落去囉!

阿杰  21歲

個 friend送燈膽囉!跟住第 2年叫佢唔好送燈膽,佢送包 Tempo出嚟囉!係交換禮物,即場拆,抽到嗰個咪講粗口囉!燈膽好過份啫!

Jeffery  21歲

之前去 exchange,可以去比利時同學仔屋企過平安夜。一個幾特別嘅經歷,因為香港人嘅屋企同比利時人嘅屋企係唔同,煮嘅嘢可能唔算太特別,只係闊條麵之類,但係好有佢哋嘅味道!

即時報料 facepop

熱線: 9222 0828

電郵:facenews@nextmedia.com

facebook: Face Magazine inbox

line、 we chat id: facemagazine


鍾意就快D Share啦!