熱爆娛樂: 唔鬼睇你　林夏薇倒 80萬落海　李思捷開騷滯銷：我要揾錢 [FACE

2015年12月23日星期三

唔鬼睇你　林夏薇倒 80萬落海　李思捷開騷滯銷：我要揾錢 [FACE - 448] __,林夏薇,李思捷,思捷,MF,

本月 10日李思捷開演唱會記招，當日佢仲講明會搵好多朋友嚟做嘉賓，「老闆娘」林夏薇當然有出席，連側田都有撐場。

真面目

唔鬼睇你　林夏薇倒 80萬落海　李思捷開騷滯銷：我要揾錢

由李思捷做獨腳戲嘅《今晚睇李》 9月底已播完，負評多到一年都數唔晒，連通訊事務管理局亦收過 13宗投訴，李思捷仲有市場真係奇蹟。

你有你投訴，李思捷則繼續做愛做的事。原來李思捷已氹掂私下以兄妹相稱的林夏薇揼水 80萬，明年 1月與豹哥單立文喺伊館開《今晚豹制李演唱會》！門票已開賣，莫講話至貴嘅$680位，連$280位嘅飛都仲有大把，睇嚟李思捷號召力已不及「福隆壽」年代，林夏薇呢鋪分分鐘倒錢落海喎！

41歲的李思捷扮嘢叻，靠扮嘢搵食的他，早前即使為新劇《爸 B有話兒》開工，都不忘籌備《今晚豹制李演唱會》（個名娘到！），繼續與豹哥單立文拍住上。

林夏薇原來私底下與李思捷以兄妹相稱，早前就用自家公司功夫集團名義，科水 80萬做冠名贊助。（網上圖片）

新伊館最多坐 3,000人，而演唱會門票已公開發售 10日，可惜各價位都未賣晒，剩番大把呀！（網上圖片）

思捷以前都扮過城城，今次佢都請咗城城御用排舞師 Sunny Wong幫佢排舞，唔通又係扮城城？（電視畫面）

氹契妹入局

其實在今年中，即《今晚睇李》播到一半時，李思捷已有開演唱會的打算，後來更向契妹林夏薇埋手，直接問她有冇興趣搞演唱會做贊助，嫁人後已一心想營商的林夏薇一口應承，更豪掟 80萬做製作費，而李思捷亦自掏 20萬幫補。對於自資開騷，李思捷輕鬆回覆：「我唔係要出錢，我要搵錢，哈哈！」

距離開騷還有一個月不夠，李思捷於本月 9日開始賣飛，原先一心以為賣票成績理想再公布加場，可惜本刊發現，開賣 10日，由最平的$280位至最貴的$680位都仍有大量門票賣唔出！加場更加唔使諗，而林夏薇的第一個演唱會投資項目，恐怕用 80萬當買個經驗囉！

一向以扮嘢搵食的李思捷，在演唱會中繼續扮嘢，不過扮女人、扮外星人等醜化形象的統統冇得傾。「思捷雖然係第 3次開演唱會，不過頭兩次都係同祥仔、祖藍一齊搞，話事權唔會喺晒佢度。今次唔同，由搵贊助商到度橋幾乎佢一個搞晒，豹哥主要負責音樂部分，所以扮女人嗰啲核突角色佢唔會再扮，其實佢好貪靚㗎！」演唱會製作人員表示。

據知思捷本想入紙到紅館再添食，不過今次 3,000張飛賣唔晒，想唱紅館，好難囉！