掃呢頁CODE去手機

2015年12月23日 星期三

新華嫂】Mandy蝕讓舊居 幫洗米華慳錢 __,洗米華,Mandy Lieu,Mandy,周焯華,

洗米華決定喺明年三月接MandyLieu兩母女返香港一齊生活,所以大嗱嗱用兩億五千幾萬去買樓,勁豪氣、勁抌本!不過成兩億幾喎,洗米華唔心痛啲錢啫,Mandy心痛呀!為咗令Mandy母女可以住得大啲、舒服啲,洗米華不惜用成兩億幾去買獨立屋,Mandy知道華哥想買樓,但係心痛對方要使咁多錢,所以即刻搵經紀,以九千二百萬暗盤放售舊居珒然,只係比當初嘅買入價貴咗六十三萬。計埋啲律師釐印同裝修費,擺到明係蝕 ...






其他影片:>>






洗米華決定喺明年三月接Mandy Lieu兩母女返香港一齊生活,所以大嗱嗱用兩億五千幾萬去買樓,勁豪氣、勁抌本!不過成兩億幾喎,洗米華唔心痛啲錢啫,Mandy心痛呀!

為咗令Mandy母女可以住得大啲、舒服啲,洗米華不惜用成兩億幾去買獨立屋,Mandy知道華哥想買樓,但係心痛對方要使咁多錢,所以即刻搵經紀,以九千二百萬暗盤放售舊居珒然,只係比當初嘅買入價貴咗六十三萬。計埋啲律師釐印同裝修費,擺到明係蝕架喇,但係無計,反正個單位丟空無用,不如賣咗佢,等洗米華可以用賣樓得返嚟嘅錢,去換過第二間屋。起初洗米華都唔肯架,覺得間屋又唔係使佢好多錢,不過見Mandy企硬,所以佢唯有妥協啦。

雖然佢哋已經有共識,但係舊居都未賣,Mandy已經搬咗去大潭陽明山莊酒店暫住,事關華哥飛咗去日本,佢只好住酒店避開追訪。上星期六晚,Mandy更全黑打扮兼素顏,喺酒店大堂等車。據消息指,佢就係當晚離開香港嘅。

鍾意就快D Share啦!