掃呢頁CODE去手機

2015年12月23日 星期三

真升呢 軒仔爆最霉冇工開 坤哥寄勻 demo𢱑簽約 [FACE - 448] __,坤哥,張敬軒,軒仔,吳業坤,MF,

坤哥爆喊呢一幕,唔少網民like爆,仲大讚性格夠「真實」。真面目真升呢 軒仔爆最霉冇工開 坤哥寄勻demo𢱑簽約靠「毒」上位嘅坤哥吳業坤,繼早前奪得YouTube「十大熱門本地音樂影片排行榜」亞軍後,坤哥喺大台頒獎禮連擸兩獎,喊到眼鏡都朦晒!張敬軒攞獎時仲踢爆坤哥最霉嗰陣要等通告開工,據知坤哥當初為圓歌手夢,搵嚟天后容祖兒御用監製舒文錄咗隻demo,寄勻全港唱片公司自sell,可惜白果收場!歌星夢 ...


坤哥爆喊呢一幕,唔少網民 like爆,仲大讚性格夠「真實」。

真面目

真升呢 軒仔爆最霉冇工開 坤哥寄勻 demo𢱑簽約

靠「毒」上位嘅坤哥吳業坤,繼早前奪得 YouTube「十大熱門本地音樂影片排行榜」亞軍後,坤哥喺大台頒獎禮連擸兩獎,喊到眼鏡都朦晒!

張敬軒攞獎時仲踢爆坤哥最霉嗰陣要等通告開工,據知坤哥當初為圓歌手夢,搵嚟天后容祖兒御用監製舒文錄咗隻 demo,寄勻全港唱片公司自 sell,可惜白果收場!歌星夢撻 Q,仲要等通告開飯,好彩坤哥有一班老友張敬軒、許廷鏗同周柏豪撐住,有 job冇 job都會預埋佢一份!隨後坤哥獲高層樂易玲引薦入 Neway唱片,𠵱家仲有份角逐叱咤我最喜愛男歌手,唔使再做棋

巨聲幫出身嘅吳業坤雖行「毒男」路線,不過網民明顯好 buy其戇直形象,處男歌曲〈原來她不夠愛我〉 MV就創下超過 346萬點擊率,又不時自拍短片放上網呃 like,好識自 sell。

坤哥奪得「勁歌金曲獎」同「最受歡迎新人金獎」,台上攞獎一刻喊到眼鏡都朦埋,隨即引來網民瘋狂洗版祝賀!

〈原來她不夠愛我〉 MV至今有 370萬點擊率,奪得 YouTube「十大熱門本地音樂影片排行榜」亞軍,仲揮低周柏豪!( YouTube畫面)

祖兒御用監製幫拖

本年度首張樂壇成績表週日結束,成晚悶到暈,唯一坤哥奪獎成為高潮位,張敬軒仲在台上大爆坤哥最霉時要等通告開飯慘況。據知當時完咗《巨聲》比賽嘅坤哥,為圓歌手夢,專登搵咗天后容祖兒御用監製舒文錄咗隻 demo,仲寄勻全港唱片公司自 sell,不過當時太奀,梗係冇人收留。

歌手夢敲唔響,大台亦冇工開,據知坤哥最霉時期,好彩身邊有張敬軒、許廷鏗出手幫助,例如有接唔落嘅 job會嘗試推薦,有工開仲會預埋佢一份,令坤哥 keep住曝光同收入。

坤哥當初搵咗舒文監製 demo,之後再幫坤哥炮製〈原來她不夠愛我〉,所以舒文都算係坤哥伯樂。(網上圖片)

舒文身為天后容祖兒御用監製,唔少經典歌曲好似〈出賣〉、〈心淡〉都係出自佢手筆。(網上圖片)

坤哥今年擠身叱咤最喜愛男歌手 5強,同 Eason、軒仔同柏豪鬥過。(網上圖片)

其後,坤哥獲得樂小姐引薦簽入 Neway唱片,不過最初公司冇幫佢出碟計劃,坤哥再搵舒文幫手造〈原來她不夠愛我〉,首歌 hit咗,公司先肯幫佢出碟咋!坤哥出道 5年,終於捱出頭,除咗有份角逐叱咤我最喜愛男歌手 5強,同時亦擠身我最喜愛歌曲 20強,叱咤隨時再跑出!

坤哥氣勢強勁,〈原來他不夠愛我〉仲有份擠身叱咤最喜愛歌曲 20強。(網上圖片)

坤哥經常自 po唱歌片上網,第一首已經係 5年前翻唱那英嘅〈夢一場〉。(網上圖片)

新歌口碑好,唱片公司即為坤哥搞祝捷會, MV女主角、好友 Regen同陳慧敏齊齊現身撐場。《蘋果日報》圖片

泳兒媽爆血管

泳兒攞獎時忽然爆喊,全晚心事重重,原來上星期母親爆血管入院,據知剛完成手術,現時仍然昏迷未脫離危險期,至今仍留在深切治療觀察,經理人仲話泳兒特登推咗兩個 job專心照顧母親,希望泳兒媽早日康復

泳兒同媽媽感情要好,不時喺網上晒合照。(網上圖片)

泳兒透露母親因爆血管入院,唱歌期間更忍唔住爆喊。

迫講全名

「星夢」揸弗人何哲圖向來篤信風水,今年仲特登叮囑歌手多謝自己時要講中文全名,不可再講「 Herman」喎!

採訪、撰文:娛樂組

攝影:娛樂組


鍾意就快D Share啦!