相隔8年再開金口 溫碧霞錄抗疫歌又唱又跳
新任影后溫碧霞（Irene），憑即將上映的新片《墮落花》得到驕人成績，入圍5個國際影展之外，更勇奪「愛爾蘭第8屆絲綢之路國際電影節」《最佳女主角》，雖然《墮落花》因新冠肺炎疫情影響一再延期上映，暫時仍未知何時可以正式在香港開畫。不過Irene並沒有失望，依然充滿正能量，為了向全世界及護醫人員打氣，已有8年沒有推出新歌的她，近日再度執咪灌錄了一首輕快的打氣歌《Make you Smile》，希望大家帶着微笑抗疫，一齊以笑容迎接明天的陽光。Irene謂：「《Make you Smile》係一首聽咗令人快樂，旋律輕快嘅跳舞歌，希望帶多啲正能量俾大家，希望我哋可以開心面對將來，相信明天會更好。」
Irene曾推出過8張個人唱片，繼2012年推出國語EP《我愛的你不在身邊》後，一直專注電影工作，前年再復出歌壇假麥花臣場館舉行《溫碧霞海潮演唱會2018》。Irene今次灌錄抗疫打氣歌亦非常認真，日前專誠邀請了排舞老師輝輝為《Make you Smile》排舞，輝輝更大讚Irene有跳舞天份，有節奏感又有美感。Irene輕鬆表示：「已經排咗3堂，進展理想，其實我好鍾意跳舞，所以好投入，而且呢首歌唱得好開心，又跳得開心，之前都有唱過快歌《森巴嘉年華》及《Stranger in the night》都係跳舞歌，所以今次再跳番舞，好開心呀！」
來源 source: http://hd.stheadline.com
|
鍾意就快D Share啦！
|
|
|