有好消息記得唔好收埋喇。
藝人馬國明、吳岱融、吳業坤及劉溫馨下午現身電視城，為劇集《BB大晒》開工。劇情交代身為馬國明及吳業坤爸爸的吳岱融婚外情，「小三」劉溫馨為他誕B，於醫院門口影「全家福」。
生BB隨緣
馬國明推着沒有BB的BB車表示：「疫情關係盡量都少叫BB開工，今日個B假嘅，不過我就同戲內、同香香（岑麗香）生嘅B女混熟咗，佢今年兩歲幾都算乖，不過拍得耐都會扭計，所以有時要氹，抱起舉高佢同佢玩，有時要就佢，跳拍咗佢戲份先。」
馬國明表示湊B要考耐性：「如果自己生嘅，應該又會唔同感覺。以前我都有幫家姐湊姨甥仔，不過佢哋依家已經十幾歲，家姐勞氣佢哋嘅功課。（想快啲做爸爸？）隨緣，有一定會同大家講，冇得瞞。（接受閃婚？）以前會覺得拍拖要經過一段時間慢慢相處，但睇咗家燕姐（薛家燕）一篇訪問，佢身邊有朋友拍拖10幾年都分手，亦有啲唔夠1年就結婚，真係好睇緣分。」
來源 source: http://hk.on.cc
|
鍾意就快D Share啦！
|
|
|