蘇志威今日54歲生日，他與太太劉小慧帶埋高加索犬bear bear去飛鵝山慶祝，他更開live與粉絲玩直播。在直播中，劉小慧笑言自己做了KOL一年，叫老公可以休息下讓她工作，而蘇志威表示今年因疫情關係，都不會大搞party慶祝。二人提到在疫情下，兩夫婦多了時間與女兒溝通，女兒更教識他韓星資訊。提到生日願望，蘇志威就表示要身體健康，而劉小慧在旁補充：「人生活到而家好開心，無病無痛，逆境體驗下學到咩嘢，想回饋下幫年輕人、香港人，製造更多機會畀大家。」
除了兩公婆行山慶祝生日，劉小慧就有在facebook專頁出帖文，貼了一張作狀錫老公的合照，更留言老公是他的「蘇眉」：「有一種關係：『既是情人，又是知己，猶如蘇眉（soulmate）』。小慧更透露去年他的生日就決定再工作，自言做了20多年師奶，走去做KOL，她表示：「心諗唔好浪費咗咁多年嚟，你畀自由我放肆去學習同洗錢而換返嚟嘅知識和技能（就係八八卦卦，行過路過，唔好放過，又學中醫，見到好嘢又要試又要買）」。小慧更形用二人之間多年的關係，她留言：「一凹一凸，冷靜與熱情，多好玩，互相支持，互相頂住。無論我想做乜嘢，我老公都會奉陪到底，既是情人，又是知己，猶如蘇眉。由第一次做蛋黃油到而家剛好一年了，我們就這樣忙碌了一年。而你這位戰友，幾乎每一次做直播都陪伴住我，即使冇出鏡。好衰咁我自問你每次演出，我都唔係去足，你就係咁樣，默默地，靜靜地做我的軍師。」最後，她更笑言兩個女兒都長大，二人要繼續遊戲人間。
此外，蔡一智就在IG出帖文貼二人陳年舊相，留言對方是認識最久的真「老友」：「真的友誼永固，轉眼間又一年生日，蘇老餅生日快樂啊！身體健康、萬事如意、心想事成；生意再度興隆！」
-----------------------------
App內1-Click訂閱《蘋果動新聞》
按此了解更多
來源 source: http://hk.appledaily.com
|
鍾意就快D Share啦！
|
|
|