藝人江嘉敏日前於中環為無綫劇集《黯夜守護者》拍攝，劇中她飾演一名20歲的網紅，不時四處拍片，往往會拍到一些不為人知的事件！拍攝當晚，她膽粗粗的穿着短裙、長靴露腿去找學生哥「攞料」，更被「哥仔」搭膊頭。而同場年僅14歲的演員楊凱博，曾於《降魔的2.0》飾演馬國明的童年及於《特技人》中演飾演譚俊彥兒子，相當好戲，今次他飾演一名中學生，卻暗戀「姐姐」嘉敏。
江嘉敏受訪時坦言，現實生活中未曾受過「小鮮肉」傾慕。早前被男友叫減肥的她，明顯消瘦不少，她說：「其實我喺劇入面係火鍋店太子女，所以呢幾日拍廠景不停打邊爐，我本身已經戒咗澱粉質，每日主要食菜，個個都話我瘦咗啲。（有冇做運動？）我有喺床上面做5分鐘Work Out，好勤力，真係有效！」
說到新年例必「增磅」，她指其母已表示不會買年糕，但會自製一些健康一點的食品，她謂：「有好多客戶好錫我，送咗好多糕點畀我，我都會食嘅，攞個意頭嘛！但只限一、兩舊囉！」她又指兩年前開始派利是，今年亦已準備5位數字，她說：「派多啲、賺多啲嘛！」
來源 source: http://hk.on.cc
|
鍾意就快D Share啦！
|
|
|
