前日（3日）立春，加上天氣回暖不少，真係好有「春氣」！前港姐冠軍馮盈盈當日更詩興大發，喺網上大拋書包引用古籍《群芳譜》中嘅一句話：「立，始建也。春氣始而建立也。」加埋張旗袍照，真係好有書卷味！佢着上粉紅書旗袍及高踭鞋，手持一束花，盡騷女性美！
之後佢再上載另一張相，再撻鄧麗君首名曲《何日君再來》，寫下：「好花不常開，好景不常在，愁堆解笑眉，淚灑相思帶，今宵離別後，何日君再來？」真係好有古典氣息！點知另一邊廂，由好姊妹變「死敵」嘅江嘉敏同日晒出18歲青春旗袍照，留言：「新一年要更努力，要好好的成長，好好的做好自己。看着18歲的自己，忍不住慨嘆時間真的過得好快。太瘦，穿旗袍沒有玲瓏浮得的感覺。😝😝😝肉太多，更加穿不下旗袍！😂😂18歲的時候剛剛好！」佢仲話好記得導演死都要將件加細碼再改細佢！當時嘅佢真係非常纖瘦，同佢依家「發福」身形真係有差別！
唔少網民都將兩人比較，兩幫粉絲亦出聲力撐偶像，有人就叫江嘉敏依家再着1次，同馮盈盈鍊過！
來源 source: http://hk.on.cc
|
鍾意就快D Share啦！
|
|
|
