養胎梗係要住得舒適，心情靚，BB都靚啲，另類胎教嘛！就好似啱啱宣布懷第2胎嘅女神岑麗香咁，之前搬往2,000萬干德道豪宅，日日過住優質生活，唔知係咪見兩位死黨鍾嘉欣同李亞男都係住過養胎靚屋，所以都要為下一代着想
講番香香間豪宅，雖然唔係豪裝，但屋內以簡約為格調，客廳放埋張「貴妃」長梳化，真係識歎。屋內亦間咗起囝囝Jacob嘅私人空間，同個仔玩之餘，仲用以幫個仔剪埋頭髮，最緊要係屋內採光度十足，養胎梗係想個人心情開朗，唔通黑沉沉咩！
香香有靚屋安胎，好友李亞男去年佗B時，亦示範咩叫5星級的家。喺上海安胎嘅佢，間養胎屋超正，見佢屋企以白色為主，設計簡約、優雅，一入屋設有玄關加小型走廊位置，轉角後仲有超大型客應連飯廳，空間感十足。客廳放有3座位L型梳化，仲有大量空間作為囡囡Gabrielle嘅遊戲區，旁邊設有盆栽區，真係五臟俱全。
至於鍾嘉欣當年喺加拿大溫哥華養胎，間養胎屋位於當地豪宅區，大宅面積達4,000呎，環境相當清靜。
來源 source: http://hk.on.cc
|
鍾意就快D Share啦！
|
|
|
