早前一名中年男子於西貢跟教練一對一學潛水，疑遇溺失去意識，送院後證實不治，有指「一對一」教練正是陳鍵鋒。
擁潛水教練牌及15年潛水經驗的余曉彤（Hidy）接受東網訪問，她指一對一潛水訓練已是最全面的教學：「教練當然會跟足課程去做，但每次上堂要因應當時環境、學生情況、對水嘅適應力嚟作出調整，事前亦會同學員溝通清楚。（咁一對一學潛水嘅話，應該學員定教練上水先？）冇一定，會因應情況，有時教練上水先，仲可以幫個學員上水，假設發生意外係喺岸上面嘅話，可能有啲人又會話教練唔應該畀學員上水先。」
對於今次意外，Hidy深表難過，由於她不在現場亦不清楚當時情況，所以不便作出評論。她指潛水有一定危險性，遇到問題時，學員最重要是保持冷靜，她亦感嘆水的威力確實很大：「曾經試過一落水2秒可以沖到10米外，所以大家一定要明白危險性，做足安全措施。」
來源 source: http://hk.on.cc
|
鍾意就快D Share啦！
|
|
|
