無綫《宮深計2深宮計》成為話題劇，大家討論嘅唔止喺劇中演員演技，或是勾心鬥角嘅劇情，仲有一眾唐朝妃嬪嘅妝容。
飾演王蓁嘅胡定欣，喺多場戲中都出現高低眉而成為焦點。尤其係星期三嗰集，幾乎每一節都出現兩邊眉一高一低嘅情況。其中佢同馬國明單獨對話嗰場戲特別明顯，之後佢吩咐侍婢，及與馬浚偉一齊嘅時候都有見到，而嗰場戲連馬浚偉都有少少高低眉。唔少網民陰謀論覺得，佢哋係畀化妝師整蠱？！而有網民發現定欣成為太子妃後，額頭上嘅花鈿，好似內地華為嘅Logo極為相似，被取笑係植入式廣告，仲有網民改圖，當然不及為馬逢國設計新髮型咁熱鬧。
睇番定欣近日放上IG嘟嘴賣萌嘅劇照，又完全唔覺有高低眉問題。佢昨日接受傳媒訪問時，都有回應番「高低眉」問題，笑言唔關化妝師事：「個妝冇嘢，係我做戲表情時，眉部份肌肉會『戚』起咗，所以變咗角度係高低眉。其實一路以嚟我都知，有遇過呢個問題，一直有留意控制自己嘅面部表情……呢場戲就咁啦。」
另外，有傳媒搵咗當年《宮心計》嘅化妝師Stephen Lau訪問，佢批評今次嘅妝容令人失望，除咗花鈿擺位未能突顯角色性格，所有女角都係清一色Earth Tone眼妝，太重時代感，而眉型亦太過現代化，令人難以投入，好似睇穿越劇一樣。但就有資深製作人表示：「一向古裝都唔會似足古代，若果真係似就嚇死你」又稱《深宮計》演員額上花鈿都有唐朝再加以改良。
|
鍾意就快D Share啦！
|
|
|
