由胡定欣、馬國明、黃心穎、馬浚偉、劉心悠、陳煒等主演嘅電視劇《宮心計2深宮計》除咗主角，其他參演同客串嘅演員真係多不勝數，陣容好強大㗎！不過好多演員來得快時，亦都走得快，好似飾演陳煒過咗身嘅駙馬爺張達倫，琴日喺劇集首次出場，不過....出場無半分鐘就比人斬頭殺死咗囉！
其實噚晚張達倫嘅出場，只係陳煒回憶片段入面嘅情節，首次亮相，就已經比人斬頭！之後亦只會出現多一幕回憶片段，喺第一集客串嘅米雪，出場10分鐘就已經死咗，陸詩韻同樣一集就被殺身亡
賴慧玲初初出場乜嘢對白都冇，去到第三集稍為有返啲對白，又即刻俾人軟禁！
至於做宮女嘅關婉姍，一樣，第三集難逃死嘅安排，據知，飾演公公嘅偉家雄同宮女吳沚默，嚟緊係戲入面都走唔甩死嘅命運，咁多人死！不過係一個爾虞我詐嘅宮中生活，又有乜出奇吖！
立即按此連結下載APP：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|
