90年代的香港樂壇說不上最盛世，但絕對熱鬧；既有橫行的「四大天王」，還有一粒粒巨星級前輩歌手，以及不斷湧現的偶像派「後浪」。不過，要在娛樂圈站穩腳，從以前到現在都一樣，天時、地利、人和缺一不可。
現年53歲的劉祖兒（Joi），90年出道已經梳「鄭伊健髮型」，當年簽約一間名為青木唱片公司的他，英文名還是叫Joey，跟現在樂壇天后容祖兒一樣，至退出樂壇後，劉祖兒便將英文名改為Joi，一切重新開始。
外表踏實加上沉默寡言，Joi當年的浪子形象迷倒不少少女，首張推出的大碟《喜歡我》已經賣出金唱片數字（25,000張），成績相當不俗。可是，一切來得快去得快，Joi閃現樂壇約兩年，首張唱片也成了最後一張，惟漫畫界出身，未有重操故業，反而轉戰開出版社，現在則與太太合力經營美容生意，由畫漫畫變成畫眉。
Joi日前在其美容院內接受《蘋果》訪問，提到當年忽然消失，Joi至今依然覺得是正確選擇，「其實我畫開漫畫比較靜態，所以第一次有人問我有冇興趣做歌手，我覺得自己唔啱，所以係推咗嘅，後來去咗第二間漫畫公司，舊老闆再搵我，當時嘅女朋友，即係而家嘅太太提醒我要睇遠啲，所以我先放膽去試，唔係我諗我會放棄。」
不過，Joi由首張唱片大獲好評到離開樂壇，只有約兩年時間，回想那些年，他指唱片公司其實待他不薄，即使自己只是新人，製作班底亦十分強勁，有劉以達、太極及Beyond等重量級人馬為他助陣，決定離開主要是和唱片公司有分歧。
Joi透露：「第二張唱片好想做啲另類嘅歌，呢方面同公司方向有出入，大家意見分歧，好多矛盾位，而家諗番係太小朋友諗法，公司已經好包容。」Joi甚至一度反思，覺得自己太急進，歌藝表現亦不太出色，如果當日得獎，可能會語無倫次，甚至會做好多令人反感的事。總括而言，Joi認為當你去到某一個級數，天時地利人和自然會出現，當年他有天時、地利，就欠他自己未做得好。
縱然對樂壇沒有留戀，但Joi仍有心願未了，就是希望當年黃家駒為他創作的一首歌可以面世。Joi說：「當年公司想保本，臨時抽起咗家駒呢首歌，用咗另一首台灣改編歌，嗰時製作班底都好唔開心，首歌一直擺到而家。問我想不想做？可以話係想同唔想之間，雖然唔知做嚟做乜，但就係一個心願，其實而家有個朋友幫忙編曲，希望有日可以發佈，因為係家駒作嘅，都想做好佢。」
家庭方面，Joi與太太Janely結婚28年，育有一子一女，長子隨他和太太加入美容行業，讀演藝的囡囡Jillian則遺傳了他對音樂的興趣，訪問當日Jillian便以結他伴奏，與爸爸合唱一曲《時代曲》，Joi表示囡囡將來會否加入樂壇由她自己決定，又指這年代做網絡歌手都可以。
採訪：鄉奈仁
攝影：沈健程
影片：葉君海、馮嘉銘
來源 source: http://hk.entertainment.appledaily.com
|
鍾意就快D Share啦！
|
|
|