差啲認佢唔到！
內地藝人楊冪童星出身，細細個就已經有豐富嘅演出經驗，6歲時演過《武狀元蘇乞兒》做周星馳個女，當時眼大大好可愛已經好搶眼，去到差唔多11歲因為學業繁重就停止參與出，童星生涯最後一部電影係《歌手》，睇番當時嘅片段，面部上半截都係眼大大，但係下半竟然有一棚哨牙！對比番之前同之後嘅相，真係差啲認佢唔出。
1997年播出街嘅《歌手》，演員有李亞鵬同胡軍等，雖然佢哋未算紅，但係卡士都唔算弱，而楊冪就飾演李亞鵬嘅表妹，所以都有好多戲份，喺呢套戲入面佢仲有一個好大犧牲位，就係佢棚哨牙其實係假，為咗配合角色成套戲都要戴住牙套上陣，大人遇着呢啲情況都會嗌辛苦，楊冪當時得11歲都可以撐得住，真係注定佢食呢行飯。
楊冪依家做咗媽咪但係身形一樣纖細，雖然佢一向都有控制飲食兼做運動，不過喺《歌》呢部戲睇得出，佢細細個手腳都好幼細，呢種唔易肥兼細小骨架體質得天獨厚真係令人羨慕！
來源 source: http://hk.on.cc
|
鍾意就快D Share啦！
|
|
|
