- 【黎振燁拖大肚妻拆彈】揚言同朱智賢「關係短暫」 謝東閔發火：還可以站出來講大話
- 2020-05-01
朱智賢同人夫黎振燁的「偷食蛋糕」事件爆出之後，「受害者」之一的謝東閔事後陪住女友出席記招，揚言話一定會陪對方「走過呢一關」，又為偷食女友頂罪，捨己的他換來網民封為「綠帽俠」。至於另一主角黎振燁潛水4日，昨日終於現身，拖住大肚老婆上演一場「大龍鳯」。
被老公背叛之後，黎太就話「正常人都會嬲」。不過，念在有小朋友，同埋咁多年感情，所以決定原諒老公。接受訪問期間，黎振燁更表示同朱智賢的關係「唔係好長」，仲話好快就可以抽離，做返幾個星期前的自己。之後更向太太承諾，唔會再「重覆犯錯」，但就話有心理準備會被公司雪藏，不能再做幕前，但為賺奶粉錢，將來唔介意做體力勞動工作。
「大龍鳯」結束後，昨夜凌晨，被封「綠帽俠」的謝東閔突然開名鬧爆黎振燁，在ig 出post :「點解一個人用完謊言巧語之後，還可以站出來講大話？#黎振燁」。謝東閔鬧爆黎生之後，好兄弟郭子豪及唔少網友都俾like 支持。
對住謝東閔「被戴綠帽」之後，仍要硬住頭皮公開撐女友，好多網友都表示同情兼戥佢唔抵，紛紛留言：「明明都冇公開一齊，點解要拖你落水」、「希望你幫佢交完戲，就原地解散」。據知朱智賢變偷食朱之前，跟男友謝東閔感情已亮紅燈，瀕臨分手邊緣，一對男女就在冷戰及老婆懷孕期，各背正印出軌，直至出事形象插水至谷低，雙方受傷的正印仲要出來捱義氣，配合「大龍鳳」，呢啲屎橋大台自製一場公關災難。
APP 內 1-Click 訂閱
按此了解更多
-----------------------------
【昔日紙本檔案庫】
30年壹仔經典 壹壹重現！
來源 source: http://nextplus.nextmedia.com
|
鍾意就快D Share啦！
|
|
|
