現與鄭裕玲一起主持電台節目《口水多過浪花》的商台DJ麻利，今日在社交網站中出post，表示昨日因看到一篇討論正音的文章，故希望分享出來讓大家重視「咬字」的問題，不過自分享後，卻惹來一眾姜濤fans「對號入座」，留言叫麻利不要再單打姜濤，令麻利忍不住連續出post反擊。
曾被人批評過「講嘢一舊舊」的麻利，在IG中的限時動態中表示自己並非針對一個人，有很多歌手就算唱了10年咬字都依然不正確：「然後大家永遠覺得咬字永係佢學習做藝人第一個PRIORITY（優先）。」她謂出完「咬字」post後即時收到很多fans留言，有的是善意、但亦有一些是沒有禮貌的，麻利更貼出其中一名姜濤fans的留言，該人指大家都知道麻利在說姜濤，又指姜濤只是一個新人及小朋友，應該給予體諒，更指姜濤唱歌不需「咬字正」亦可以好紅，不過卻被麻利指他們自己「對號入座」：「我冇開名就係因為我唔係講佢，亦唔單止只會講佢，開名就話我點名批評人，唔開名就話我媽咪姐？」更反嘲對方：「你哋全部人就覺我係講你偶像，會唔會係因為你哋自己都聽到你偶像有懶音？你知唔知有幾多姜粉本身係教書甚至係教語言治療，所以大家有一個非常良好嘅討論，但就唔係呢種態度，呢種態度想點？」
之後麻利又連續出post，指讀得啱中文也是基本要求：「電視台啲節目VO都有懶音，廣告VO都有懶音，仲點講咩捍衞廣東話」亦同時指自己不會因fans不禮貌留言影響自己對姜濤的感覺：「我梗係知大部姜糖都係識得乜嘢係正確啦，大家唔使咁緊張，我會因為任何人嘅行為影響我對濤嘅觀感，大家都係成年人嘛。如果姜B係受保護動物就大件事啦，好彩佢都係一個緊張自己事業，努力不斷進步嘅人啫。」
麻利最後亦再重申，在香港生活的人，應該以講好廣東話作為學習基礎，跟是否藝人完全沒有關係。「咬字除咗自己要有一個覺知去學之外，你有冇鼻敏感、你上顎下顎嘅結構，同埋牙齒都會影響一個人咬唔咬到正音，係一個值得搵言語治療師或者牙齒去問吓嘅問題。」
-----------------------------
App內1-Click訂閱《蘋果動新聞》
按此了解更多
來源 source: http://hk.appledaily.com
|
鍾意就快D Share啦！
|
|
|
