早前ViuTV的行山節目《美女郊遊遊》，令兩位Shirley人氣急升。當中26歲的Shirley陳欣妍，成為不少宅男追捧的女神，連帶她7年前一個自稱來自破碎家庭的訪問，指父母離婚後，從此與媽媽，妹妹相依的往事也被重提。
不過，這家變故事，多年後在追問下，Shirley說出實情：「其實一直都唔敢追問媽咪，佢同爸爸之間嘅事，而且長大後都覺得離婚唔係一回事。直至最近媽咪睇到一啲報導，先向我講番同爸爸分開真相，佢哋當年只係吵咗一場大交，就分開住，原來一直冇離婚，呢個真相到最近我先知。」家變都可以擺烏龍！
Shirley當U花時(大學校花)，13年曾接受雜誌訪問稱，小時候父母經常吵大鑊，爸爸有時候更會當兩個女是出氣袋，而父母離婚後，令她決心考上大學，希望學歷有出頭，有能力照顧媽媽。
但事隔多年，Ｓhirley說得悉父母之間問題，原來並非自己一直所想非黑即白，咁究竟何以令她誤會家變？Shirley說：「中學時期，曾經有段時間家人每日都嗌交，令我有種唔想返屋企嘅感覺。當時正在考試，我忘記咗係CE還是其他試，總之面對非常頻密嘅測驗，壓力好大，但我每日返屋企想溫書都唔得，因為實在太嘈吵。爸媽吵架聲浪好厲害，就算按着耳朵都聽到，一直聽到佢哋嗌離婚，而爸爸經常要去美國公幹，有次佢同媽咪嘈完就飛咗去美國，冇返過屋企，之後我以為爸媽已經離婚。因為再見不到爸爸。
細個時我係好唔不開心，因為聽到佢哋很多嗌交嘅內容，又唔理解，所以好易鑽牛角尖，我成日諗，一個家點解會係咁！你愈想得到一樣嘢，得不到嘅時候，就會產生怨恨之心，就好似小朋友想飲奶，但飲唔到，得唔到需要時就會喊，對家庭狀況理解就係咁幼稚。」
小時怕事，但長大後難道沒有好奇心，嘗試向母親旁敲側擊，她解釋：「我覺得問多媽媽一次，只會令佢唔開心多一次，或媽媽會有情緒激動，所以我選擇避開呢個問題，久而久之，呢啲事情就埋藏心底。其實咁樣做唔係太好，缺乏溝通，好易造成誤會。」她說雖沒跟身在美國的爸爸聯絡多年，但知道對方一直有擔起女兒的生活費。
不過家事，近年峰迴路轉，她說事隔多年，爸爸退休返港，終於再相見。父女間如何踏出破冰一步，Shirley：「其實沒有甚麼特別事情發生去令我放下，一切都來得自然。可能時間經歷，自己都長大，睇法都改變，或者只係當年自己將件事放大。有時都會問自己，點解小時候會有呢個情緒，係咪因為我想擁有一個好幸福，開心嘅家庭！
既然都長大，有啲嘢想得到的話，唔係去問，而係應該去做。現時最希望自己努力工作，安頓好已退休嘅父母，希望可以請全家人去一趟旅行，我已經覺得好幸福。」家嘈屋閉下成長，會把家事重門深鎖，變成閒人免進的禁區？
家庭經歷，留下的陰影，會否影響她對愛情凡疑惑？「對愛情觀沒受太大影響，我仍然相信自己會揾到Mr. Right，而且相信愛情會令雙方同時變好，呢方面我好相信。」看來男友沈震軒，能夠給予Shirley十足信心。
攝錄:LL Production House
APP 內 1-Click 訂閱
按此了解更多
-----------------------------
【昔日紙本檔案庫】
30年壹仔經典 壹壹重現！
|
鍾意就快D Share啦！
|
|
|
