印度裔演員陳振華（Ricky）因為在《今宵大廈》飾演對女友晴晴（鄧佩儀飾）痴心一片而為人熟悉，加上他接受訪問時，不時老婆囡囡掛在口邊，故一直予人好男人形象，但近日他的太太Alison在社交媒體發文控訴，數爆陳振華賤男真面目，她力斥在外間常以「老婆成日攞佢錢」為名借錢，實際是他自己北上偷食養小三，Alison留言：「同你捱咗咁耐換返嚟就係呢啲？為咗隻廣州雞棄埋個女都算，仲要同人哋唱完我再唱衰個女，你有冇人性o架！」陳振華被斥將政府的資助、女兒的利是錢等全部拿走養小三，令家人生活拮据，囡囡冇得食、學費冇錢交之外，陳振華更是一個「偽慈父」，他從來沒有送過一件玩具給女兒，多年來只送過一包糖，小小的恩惠令女兒銘記於心，從此只吃這款糖，真係聞者傷心；另外，陳振華更曾經掉低囡囡一個人於餐廳不顧而去，最後店員通知Alison才得知此事。
Alison表示自己一早知道陳振華變了心，但現在只希望陳振華早日回港辦理離婚手續：「本來冇得罪你，只係因為你自己有北姑而分開，你都可以癲到連公屋都特登取消埋唔畀我同個女！係你當咗自己大明星之後就去叫雞呀！收嘴唔好再抹黑我同個女！同埋麻煩盡快回港辦理離婚手續！」
印度裔演員陳振華（Ricky）因為在《今宵大廈》飾演對女友晴晴（鄧佩儀飾）痴心一片而為人熟悉。
陳振華由同鄉喬寶寶介紹入行，多年來客串拍攝過不少電視劇和電影。
Alison大爆Ricky偷食北姑之外，更對囡囡又打又鬧。
Alison指Ricky把囡囡利是錢全部沒收，搞到囡囡冇啖口好食，連學費都冇錢交。
Alison除了踢爆賤男老公真面目外，更呼籲：「本人跟件垃圾香港印度裔演員陳振華先生早已分開，並沒有見面及聯絡，佢最近喺出面周圍問人借錢走晒嗰啲數與我無關，我建議咁多位最近不約而同地曾經搵過我嘅受害人報警。」
來源 source: http://eastweek.my-magazine.me
|
鍾意就快D Share啦！
|
|
|