2020年8月13日星期四

寧願掃屎都畀雀仔通屋飛陳庭欣：佢哋要有活動自由 #陳庭欣

寧願掃屎都畀雀仔通屋飛陳庭欣：佢哋要有活動自由

陳庭欣與甄澤權都有養禽鳥，陳庭欣更畀愛雀通屋飛，相當自由自在。

「雀奴」陳庭欣(Toby)與魔術師甄澤權(Louis)昨晚進行《Birdy Wednesday》直播，Toby由三月至今每逢星期三晚都會進行關於雀鳥的直播節目，分享有關雀鳥資訊，因而多咗好多小朋友粉絲。由於人手不多，她要兼顧很多職責，甚至搵埋贊助商、搬貨、設計海報等。最慘她唔太熟電腦，花咗大半日嚟設計海報。問到男友Benny有否幫手？她笑說：「係我教返佢呢！不過他都有大力支持我嘅直播，有sponsor我禮物嘅。」

Toby喺社交網曾開心share愛雀通屋飛片段，有網民錯重點指她的香閨很大，兼且有酒櫃，Toby解釋因為雀仔太細形成錯覺，她堅持寵物雀要有活動自由，所以佢哋每日喺屋企都有得飛，不過櫃頂上面就會有好多雀屎，每日都要去清理。」

另外，Louis因為表演魔術，家中飼養咗4隻白鴿，有次在馬場表演走失了一隻，四處找尋了數小時，最後在樹林尋回。