尹天照當年因為亞視劇《我和殭屍有個約會》而成為一哥，當時他更獲亞視頒發視帝一獎，劇集至今仍然不少人回味，不過當日有不少負面新聞伴隨尹天照，他的火爆性格令到不少人郤步，到了2010年，他先後因為自己和太太的身體狀況出現問題，結果2011年與亞視約滿後，淡出了幕前，專心照顧太太，直到近年才見到他的踪影。
尹天照日前應苑瓊丹邀請，接受香港開電視節目《開工大吉77》訪問，重提當年在片場「發脾氣」一事，尹天照說：「當年試過一次拍戲，啱啱先拍完第一Take，點知個助導走埋嚟第二稿、第三稿，我心諗我做畀你！我將每一稿嘅優點溝埋演畀你，但最終啲人都同你玩反面。其實呢啲嘢冇啱定錯，我冇後悔過。作為一個演員，如果冇火嗰角色唔會好睇，但係火得滯可能會影響其他人，點樣火點樣拿捏就要靠時間。」
近年尹天照曾參與幕前演出，問到他有否電視台向他招手，他坦言曾經有人接洽，奈何制度令他放棄簽約：「初步傾都知自由度有問題，算啦都過咗去。」尹天照曾經在訪問上講過，因為工作和家庭出再出問題，令到人生陷入低潮，情緒幾乎崩潰，最後因為信仰而改變：「當時太太有病，我搵唔到任何嘅方法去幫佢，咁啱有個朋友，佢有癌病但決定唔再睇醫生，我鬧佢痴線，佢就同我分享教會見證，我就去教會睇吓搵個當事人，因為呢一件事，我認為唯一出路就係靠耶穌。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：
iOS/Android
來源 source: http://hk.appledaily.com
|
鍾意就快D Share啦！
|
|
|