2018年5月26日 星期六

【阿嬌出嫁】紫色花陣出嫁 婚禮冇上頭儀式冇註冊 __,阿嬌,鍾欣潼,

現年37歲鍾欣潼(阿嬌)要升呢人妻啦,佢今年初跟台灣「醫界王陽明」之稱嘅賴弘國訂婚,兩人將於香港時間26號凌晨喺洛杉磯(LA)舉行婚禮,並選定喺當地一 ...


現年37歲鍾欣潼(阿嬌)要升呢人妻啦,佢今年初跟台灣「醫界王陽明」之稱嘅賴弘國訂婚,兩人將於香港時間26號凌晨喺洛杉磯(LA)舉行婚禮,並選定喺當地一間近百年歷史嘅五星級酒店Millennium Biltmore Hotel Los Angeles舉行。

一對新人親自訂出嘉賓名單,阿嬌經理人霍汶希(Mani)日前已飛抵LA打點,蔡卓妍(阿Sa)、鄭希怡(Yumiko)則做姊妹,Yumiko囡囡梁浸浸則安排做花女。

據知,喜帖上列明,賓客可於香港時間周六(26日)凌晨3時許到場,有指呢個係pre wedding,所以一對新人前一晚唔會有傳統上頭儀式,婚禮當日亦都冇註冊同行禮,所有儀式會留待年底返香港先舉行。

阿嬌剛完成婚前美加巡唱,所以爭取時間休息,務求明天以最佳狀態示人,阿嬌同未婚夫賴弘國今日約同雙方家人出外晚膳,然後就提早返酒店休息。

酒店已安排好明天派對會場布置,依照一對新人心意,布置成鮮花陣,並以紫色鮮花為主,增添浪漫氣氛,問到阿嬌待嫁心情,Mani今日覆《蘋果》:「其實大家都好放鬆,唔緊張,聽日係一個party,大家都戥我哋個嬌嬌好開心,希望佢永遠幸福。」問到Mani送咗乜嘢禮物畀阿嬌,佢話:「我送咗一對龍鳳鈪。」

精選娛聞,喺晒《娛果》

http://fb.com/appledailyent



婚前派對將於Millennium Biltmore Hotel Los Angeles舉行。(北美蘋果日報) 婚前派對將於Millennium Biltmore Hotel Los Angeles舉行。(北美蘋果日報)
該五星級酒店有近百年歷史。(北美蘋果日報)

該五星級酒店有近百年歷史。(北美蘋果日報)
(北美蘋果日報)

(北美蘋果日報)
(北美蘋果日報)

(北美蘋果日報)

鍾意就快D Share啦!
Related Posts Plugin for WordPress, Blogger...