斥Andi推「小龍女」拍片 吳綺莉：畀人睇到佢真面目
「小龍女」卓林去年12月已飛抵加拿大，母親吳綺莉一直與她保持聯絡，但沒再向卓林提供生活費用。當卓林意欲「尋爸」的短片曝光後，吳綺莉得知女兒尚算安好，接受電話訪問時大讚卓林勇敢：「愛情真係好偉大，佢亦好聽女友話。其實唔緊要嘅，總之發生乜事都好，佢都可以返屋企，屋企嘅大門隨時為佢而開，媽咪會等佢。我本身都唔係一個脾氣好嘅人，亦唔識氹人，依家都喺度學習緊。」
「唔應該怪責父母」
然而當吳綺莉得悉女兒與網紅女友Andi拍片「網上求助」，女兒自稱「成龍女兒」，更叫網友轉發她們的視頻尋求各界幫助，吳綺莉即表現相當激動，力斥Andi不是：「佢卅幾歲，做過老師兼有社會經驗，去引導一個十八歲、完全冇經驗嘅年輕人拍片，相信係一個錯誤嘅價值觀。我覺得冇錢生活應該去搵工作，而唔係拍片話畀人知我冇錢、我爸爸係邊個！全球人類都係為工作而努力，唔係借人哋嘅名聲去搵錢，呢個唔係正確嘅價值觀，都唔合邏輯！」
談到卓林的情緒病，吳綺莉續說：「佢情緒上係有問題，舊年就應該睇醫生，尋求專業人士醫治，不過佢走咗冇睇醫生。講真唔通窮就要去打劫銀行？呢個唔係正確道理，做人就要自己努力，唔應該怪責父母，嗰個三十幾歲嘅推佢去拍片，畀人睇到佢真面目囉﹗香港幾多人攞最低工資都返工，冇工作就出嚟拍片鬧父母，咁一日咪好多呢啲片？佢（卓林）入世未深，世上冇十全十美嘅父母，自強最緊要。（呢幾日有冇同卓林聯絡？）呢啲我唔想講喇。」
來源 source: http://orientaldaily.on.cc
|
鍾意就快D Share啦！
|
|
|
