藝人王賢誌剛成為東華三院主席，他接受電台《舊日的足跡》訪問，他表示自2011年起出任東華三院總理，明白到慈善機構籌款並非有人藉此沽名釣譽，背後其實做了很多有益大眾的工作，他說：「未來一年，我希望將演藝、慈善雙結合，我要將歡樂滿東華搞到更加有聲有色，所以要早點向圈中老友『碌定卡（人情牌）』，今年啲星光一定要更勁。」他坦言成為主席後，因要接待官員和大額捐款的善長，故不會當活動司儀。而今年主席要參與的活動超過400項，他指自己的時間表跟以往當藝人時一樣非常密集，就職一個月來所做的事感覺都非常良好，亦十分享受。他透露明年將由主席轉入顧問局，故將看待每個活動為自己最後一次參與。
不急於傳宗接代：我係可以嘅
主持車淑梅問及人生最重要的日子時，王賢誌直言第一是結婚當天，第二便是上任為東華三院主席︰「Kevin（伴侶）好陽光，我啲家人同朋友都好鍾意佢，佢都係我嘅初戀，其實38歲先初戀嘅我真係有啲怕醜。」至於會否擔心傳宗接代的責任，王賢誌坦言家人思想開通，不一定要兒子生小孩︰「我兩個妹妹生了五個小朋友，已經非常足夠。我年紀都唔細，依家47歲先生孩子，都擔心將佢撫養成人後，同孩子嘅距離好遠。不過，依家科技昌明，只要符合香港法律，我係可以嘅。但呢年我仲有個重任，暫時唔係完全唔考慮，但唔係此刻迫切去決定。」
談昔日不和傳聞
談及就職當晚，王賢誌請了不少好友輪流當司儀︰「我親自打電話邀請鄧梓峰、黎芷珊、陳貝兒、崔建邦同陳志雲，好感動。以前傳聞我同邊個邊個唔啱、唔高興，都已經係十多年前嘅事，做人唔可以固步自封，只諗到某一階段嘅自己。當時我都做得唔夠好，其實我同佢地一直都有聯絡嘅。」
回應永祥大廈業權問題
祥嫂早年將永祥大廈的一成業權贈予東華三院，子女們至2003年亦以9540萬，將餘下的業權售予東華，有指這價目相當低。王賢誌以主席身份回應指，這是因為2003年的經濟時機，而東華三院旗下物業科也有不同物業是不可變賣，要得特首批准，故只可翻新或出租︰「聽聞祥哥啲子女都係住喺永祥大廈，我哋當然會向佢哋收租。大廈54年樓齡唔算太老，但再過20年，配合當區發展會唔會有改變，就留待日後董事局嘅決定。不過，祥哥一直十分支持東華，院方定會好好珍惜，請放心。」
|
鍾意就快D Share啦！
|
|
|
